नवदिल्ली, ५ अगस्तमासः (हि.स.)। भाजपादलस्य राष्ट्रीयाध्यक्षः नितिननवीनः श्रीअरविन्दस्य जयन्त्यवसरे तस्मै श्रद्धाञ्जलिं समर्पयन् तस्य राष्ट्रवादी-विचारान् आध्यात्मिकदृष्टिकोणं च स्मृतवान्। सामाजिकमाध्यममञ्चे ‘एक्स’-मध्ये सन्देशं प्रकाशित्य नितिननवीनः श्रीअरविन्दं “दूरदर्शी-चिन्तकं, राष्ट्रवादिनं, आध्यात्मिकद्रष्टारं च” इति वर्णितवान्।

नितिननवीनः लिखितवान् यत् श्रीअरविन्दस्य परिवर्तनकारीरचनाभिः भारतस्य स्वातन्त्र्यसङ्ग्रामाय बौद्धिकीम् आध्यात्मिकीं च दिशा प्रदत्ता। तेन भारतमातरं केवलं भौगोलिकप्रदेशरूपेण न, अपितु सामूहिकचेतनायाः जीवन्त-स्वरूपरूपेण द्रष्टुं दृष्टिः विकसितः। नितिननवीनः अवदत् यत् भारतीय-परम्परायां मानवविकासे च श्रीअरविन्दस्य अटूटविश्वासः अद्यापि आत्मपरिवर्तनाय राष्ट्रसेवायै च प्रेरणां ददाति।

श्रीअरविन्दघोषस्य जन्म १५ अगस्तमासे १८७२ तमे वर्षे कलकत्तायां अभवत्। प्रारम्भिकशिक्षायाः अनन्तरं सः आङ्ग्लदेशं गतवान् तथा उच्चशिक्षां प्राप्तवान्। भारतं प्रत्यागत्य सः बडौदारियासतेन सम्बद्धः अभवत्। अस्मिन् एव काले भारतीय-संस्कृतौ दर्शने राष्ट्रवादे च तस्य अनुरागः तीव्रतया वर्धितः। १९०८ तमे वर्षे अलीपुरबमप्रकरणे सः गृहीतः। कारागारे व्यतीतस्य कालस्य तस्य जीवने विचारधारायां च गभीरः प्रभावः अभवत्। ततः परं तस्य प्रवृत्तिः आध्यात्मिक-साधनायाः दिशि अधिकं वर्धिता। १९१० तमे वर्षे सः पाण्डिचेरीं गतवान्, यत्र तेन जीवनस्य अधिकांशः कालः आध्यात्मिक-साधनायां, दर्शने लेखने च व्यतीतः।

Hindusthan Samachar / Divya Ranjan