Enter your Email Address to subscribe to our newsletters
पटना, 15 अगस्तमासः (हि.स.)।
अशीतितमे स्वातन्त्र्यदिवसस्य अवसरे कृषिमन्त्री, पूर्वोपमुख्यमन्त्री च विजयकुमारसिन्हा पटना नगरे स्थिते स्वकीयस्य सर्वकारीयस्य आवासे ०३ स्ट्रैण्डरोड इति स्थले ध्वजारोहणं कृतवान्।
अस्मिन् अवसरे सः समस्तेभ्यः देशवासिभ्यः स्वातन्त्र्यदिवसस्य हार्दिकान् अभिनन्दनानि शुभकामनाश्च प्रदत्तवान्। सः उक्तवान् यत् अयं पावनः दिवसः अस्मान् तेषां वीरस्वातन्त्र्यसेनानीनां त्यागं साहसं बलिदानं च स्मारयति, येषां सङ्घर्षाणां कारणेन वयम् अद्य स्वतन्त्रभारते स्वच्छन्दतया श्वासं गृह्णीमः।
सः सर्वान् आह्वयन् उक्तवान् यत् आगच्छन्तु, अस्मिन् स्वातन्त्र्यदिवसे वयं सर्वे संकल्पं कुर्मः यत् राष्ट्रस्य एकताम्, अखण्डतां, सार्वभौमसत्तां च सदैव अक्षुण्णां स्थापयित्वा भारतं विकसितम्, आत्मनिर्भरं समृद्धं च राष्ट्रं कर्तुं स्वकीयम् योगदानं दास्यामः।
---------------
Hindusthan Samachar / Dheeraj Maithani