Enter your Email Address to subscribe to our newsletters
कोलकाता, १६ अगस्तमासः (हि.स.)। पश्चिमबङ्गस्य मुख्यमन्त्री शुभेन्दु-अधिकारी रविवासरे पूर्वप्रधानमन्त्रिणः भारतरत्नस्य अटलबिहारीवाजपेयी-महोदयस्य पुण्यतिथौ तं प्रति श्रद्धाञ्जलिम् अर्पितवान्। सः समाजमाध्यमे प्रकाशितेन सन्देशेन वाजपेयी-महोदयस्य राज-नैतिकजीवनं, दूरदर्शिनं नेतृत्वं राष्ट्रं प्रति तस्य योगदानं च स्मृतवान्।
शुभेन्दुअधिकारी स्वकीयसन्देशे उक्तवान् यत् सः महान् राजनेता, दूरदर्शी नेता तथा पूर्वप्रधानमन्त्री भारतरत्नः अटलबिहारी-वाजपेयी इत्यस्य पुण्यतिथौ तं प्रति विनम्रां श्रद्धाञ्जलिम् अर्पयति।
सः उक्तवान् यत् अटलबिहारीवाजपेयी भारतीयराजनीतेः तेषु महत्सु व्यक्तित्वेषु अन्यतमः आसीत्, येन दीर्घे सार्वजनिकजीवने देशसेवायाः, समर्पणस्य असाधारणराजनैतिककौशलस्य च उदाहरणं प्रस्तुतम्। सः संवेदनशीलः कविः असाधारणः वक्ता च अपि आसीत्। तस्य नेतृत्वेन दूरदर्शितया च सुदृढस्य आत्मनिर्भरस्य च भारतस्य आधारं सुदृढीकर्तुं महत्त्वपूर्णा भूमिका निर्व्यूढा।
शुभेन्दुअधिकारी उक्तवान् यत् अटलबिहारीवाजपेयी-महोदयस्य गम्भीराः आदर्शाः तस्य प्रेरणादायिनी च परम्परा अद्यापि देशवासिनां मार्गदर्शनं करोति। तस्य जीवनं राष्ट्रसेवायाः, लोकतान्त्रिक-मूल्यानां जनकल्याणं च प्रति समर्पणस्य प्रेरणां निरन्तरं दास्यति।
सः अटलबिहारीवाजपेयी-महोदयस्य विचारान् आदर्शान् च स्मरन् उक्तवान् यत् तस्य विरासत् अग्रिमवंशानाम् अपि देशस्य कृते समर्पितभावेन कार्यं कर्तुं प्रेरणां दास्यति।
Hindusthan Samachar / Divya Ranjan