Enter your Email Address to subscribe to our newsletters
पूर्वी सिंहभूमः, 16 अगस्तमासः (हि.स.)।झारखण्डस्य शहीदस्य कालीपदो भुईयांस्य स्मृतौ द्विदिवसीया पादकन्दुकप्रतियोगिता सम्पन्ना
झारखण्डस्य शहीदस्य कालीपदो भुईयांस्य स्मृतौ आयोजितायाः द्विदिवसीयायाः पादकन्दुकप्रतियोगितायाः शनिवारस्य रात्रौ उत्साहपूर्णे वातावरणे समापनम् अभवत्। अखिलभारतीयभुईयांसमाजकल्याणसमितेः तथा सेन्ट्रल भीम बिरसा मुंडा पादकन्दुक-अकादम्याः संयुक्ततत्त्वावधानेन अगस्तमासस्य १४ तथा १५ दिनाङ्कयोः आयोजितायां अस्यां प्रतियोगितायां ग्रामीणक्षेत्रस्य तथा नगरीयक्षेत्रस्य मिलित्वा ३२ दलानि भागं गृहीतवन्ति। प्रतियोगितायाः समये क्रीडकैः उत्कृष्टं क्रीडाप्रदर्शनं कृत्वा दर्शकानां कृते रोमाञ्चकानां प्रतिस्पर्धानां आनन्दः प्रदत्तः।
प्रतियोगितायां अप्रित बॉयज क्लब बागुनहातू इति दलं उत्कृष्टं प्रदर्शनं कृत्वा प्रथमस्थानं प्राप्तवान्। मानीया स्पोर्टिंग क्लब पुराना सीतारामडेरा इति दलं द्वितीयस्थाने स्थितम्। जगन्नाथ एफसी क्लब भीम आश्रम वर्मामाइंस इति दलं तृतीयस्थानं तथा भुईयां समाज सीतारामडेरा इति दलं चतुर्थस्थानं प्राप्तवत्। विजेतृदलेभ्यः पूर्वमुख्यमन्त्री चंपाई सोरेन इत्यनेन पुरस्काराः प्रदाय सम्मानः कृतः।
प्रथमस्थानं प्राप्तवते दले ११ द्विचक्रिकाः, द्वितीयस्थानं प्राप्तवते दले ९ द्विचक्रिकाः, तृतीयस्थानं प्राप्तवते दले ७ द्विचक्रिकाः तथा चतुर्थस्थानं प्राप्तवते दले ४ द्विचक्रिकाः पुरस्काररूपेण प्रदत्ताः। तदतिरिक्तं क्रीडकेभ्यः क्रीडावस्त्राणि, सम्मानफलकानि तथा चषकाः प्रदाय सम्मानः कृतः। जमशेदपुर पूर्वीक्षेत्रस्य विधायकया पूर्णिमा साहू इत्यनया क्रीडकानाम् उत्साहवर्धनं कुर्वत्या ते पुरस्कारैः सम्मानिताः। समापनसमारोहे आयोजनसमितेः मुख्यसंरक्षकेण पूर्वमन्त्रिणा दुलाल भुईयां इत्यनेन क्रीडकानां उत्साहवर्धनं कृतम्। तेन उक्तं यत् क्रीडा युवकेभ्यः अनुशासनस्य सह नेतृत्वक्षमतायाः तथा परस्परभ्रातृत्वभावनायाः विकासस्य अवसरं प्रददाति।
समितेः अध्यक्षेण तथा झारखण्ड उच्चन्यायालयस्य रांची इत्यत्र अधिवक्त्रा बिप्लव भुईयां इत्यनेन आयोजनस्य सफलतायै सहयोगं कृतवद्भ्यः सर्वेभ्यः जनभ्यः कृतज्ञता ज्ञापिता तथा धन्यवादः समर्पितः। प्रतियोगितायां उत्कृष्टं प्रदर्शनं कृतवद्भ्यः क्रीडकेभ्यः मैन ऑफ द मैच तथा श्रेष्ठगोलरक्षक इत्यादयः विविधाः व्यक्तिगतपुरस्काराः अपि प्रदत्ताः।
समापनसमारोहे निमाई मंडलः, कुंज विभारो, रविन्द्र भट्टाचार्यो, दीपक मंडलो, भोला सिंहो, धीरेन्द्र सिंहो, राकेश भुईयां, मन्नू मंडलः, चैतन मुखी, राहुल सावः, कमल राम यादवो, राज भुईयां, निरंजन तांती, लखी भुईयां, शिबू नामता, जोनी भुईयां, विक्की भुईयां, महावीर राम, श्याम पदो भुईयां, सुखदेव भुईयां, धोनी भुईयां, शंकर करुआ, बैजू साव, हाथी नामता, मंगल नायकः, सुनील दासः, मिथलेश कुमारः, आशीष भुईयां, सोनू दासः तथा नारायण श्यामलः इत्येतेषां सहितं समितेः सदस्याः, क्रीडकाः तथा बहुसंख्याकाः क्रीडाप्रेमिणः उपस्थिताः आसन्।
आयोजनसमित्या प्रतियोगितायाः सफलसञ्चालने सहयोगं कृतवद्भ्यः निर्णायकेभ्यः, रेखानिर्णायकेभ्यः, क्रीडापदाधिकारिभ्यः तथा स्थानीयसहयोगिभ्यः कृतज्ञता प्रकटिता।
---------------
Hindusthan Samachar / Dheeraj Maithani