जम्मूः, 16 अगस्तमासः (हि.स.)।जम्मू महानगरपालिकानिगमेन अद्य “जम्मू एकतायै धावनम्-स्वच्छामरनाथयात्रायाः सङ्कल्पः” इति कार्यक्रमस्य आयोजनं कृतम्। स्वास्थ्यसुदृढतायाः पर्यावरणस्वच्छतायाश्च विषये जागरूकतां वर्धयितुं प्रातःकाले बहुप्लाजातः प्रारब्धे अस्मिन् धावनकार्यक्रमे ५ किलोमीटर् तथा १० किलोमीटर् इति द्वे श्रेण्यौ सम्मिलिते आस्ताम्। धावनं गोलमार्गेण अप्सरामार्गेण च गत्वा पुनः बहुप्लाजायां समापितम्। अस्मिन् कार्यक्रमे विभिन्नवयोवर्गीयैः जनैः बहुसंख्यया सहभागिता कृता तथा एकता, स्वच्छता, उत्तरदायिनागरिकतायाश्च भावनायाः प्रोत्साहनं कृतम्।

अस्मिन् कार्यक्रमे जम्मू-मण्डलस्य आयुक्तः रमेशकुमारः, जेएमसी आयुक्तः देवांशयादवः, यातायातस्य वरिष्ठपुलिसाधीक्षकः अमितभसीनः तथा स्थानीयनिवासिनः सहभागितां कृतवन्तः। सर्वैः सामूहिकउत्तरदायित्वस्य सन्देशः प्रदत्तः। कार्यक्रमस्य मुख्यसन्देशः स्वास्थ्यसुदृढता, परस्परभ्रातृत्वभावना तथा स्वच्छा उत्तरदायिनी च अमरनाथयात्रा इति आसीत्।

---------------

हिन्दुस्थान समाचार / Dheeraj Maithani