भागलपुरम्, १६ अगस्तमासः (हि.स.)। बिहारराज्यस्य बालश्रमिक-आयोगस्य पूर्वाध्यक्षः, समतुल्य-मन्त्रीमण्डलस्य मन्त्री च डॉ. चक्रपाणिः हिमांशुः इत्यस्य पुत्रस्य दिव्यांशु-चक्रपाणेः एकादशः जन्मदिवसः रविवासरे स्थानीय-परिपथगृहे सरलतया हर्षोल्लासेन च आचरितः।

अस्मिन् अवसरे पर्यावरणसंरक्षणस्य सन्देशं प्रदद्भिः फलवद्भिः पादपै: रोपणं कृतम्। ततः केक इति कर्तयित्वा मिष्टान्नानि वंटयित्वा जनैः परस्परं शुभकामनाः प्रदत्ताः। अस्मिन् अवसरे डॉ. चक्रपाणिना हिमांशुना वृक्षाणां महत्त्वे प्रकाशं नीयमानं उक्तं यत् फलवन्तः पौधाः पर्यावरणस्य संरक्षणे तस्य च उन्नतौ महत्त्वपूर्णां भूमिकां निर्वहन्ति। स्वपरितः फलवृक्षाणां रोपणस्य प्रमुखः लाभः एषः अस्ति यत् गृहे एव शुद्धानि ताजानि च फलानि प्राप्तुं शक्यन्ते, यानि स्वास्थ्याय अत्यन्तं लाभप्रदानि भवन्ति। उद्यानेषु फलवृक्षाणां रोपणेन न केवलं हरितिमा वर्धते, अपि तु तस्य अनेके आर्थिकाः स्वास्थ्यसम्बद्धाश्च लाभाः भवन्ति।

पूर्वजनपदपरिषद्-सदस्या प्रीतिकुमार्यपि अस्याः पहलस्य प्रशंसाम् अकरोत्। सा अवदत् यत् वृक्षेभ्यः मानवाः जीवजन्तवश्च स्वादूनि पौष्टिकानि च फलानि प्राप्नुवन्ति, यानि जीवनस्य सन्तुलनाय अत्यावश्यकानि सन्ति। जन्मदिवसस्य पादपारोपणस्य च अस्मिन् विशेषकार्यक्रमे गौतमबैनर्जी, अङ्कितकुमारः, सञ्जय-कुमारः, नीतीशकुमारः, गुड्डूकुमारः, बबलूकुमारः, रोशनकुमारः, राहुलकुमारः, प्रेमकुमारः इत्यादयः अनेके गणमान्याः जनाः उपस्थिताः आसन् तथा च दिव्यांशोः उज्ज्वलभविष्याय शुभकामनाः प्रदत्तवन्तः।

Hindusthan Samachar / Divya Ranjan