Enter your Email Address to subscribe to our newsletters
एम्स्टलवीनः (नीदरलैंड्सः), 16 अगस्तमासः (हि.स.)।भारतीयमहिलाहॉकीदलेन एफआईएच हॉकीविश्वचषकेन २०२६ इत्यस्य स्वकीयस्य अभियानस्य भव्यतया आरम्भं कुर्वती २०२४ तमस्य वर्षस्य ओलिम्पिकक्रीडायां रजतपदकविजेतृ चीनदलं कठिनं प्रतिस्पर्धां दत्त्वा डी पूले आयोजिते स्पर्धायां द्विद्वे इति समतायां क्रीडां समाप्तवती। वैग्नर हॉकीक्रीडाङ्गणे आयोजिते अस्मिन् स्पर्धायां भारतं पूर्वार्धे अग्रतां प्राप्तवत्, किन्तु चीनदलेन उत्तरार्धे पुनरागत्य अंकाः समीकृताः। भारतस्य पक्षतः नवनीतकौरः दीपिका च गोलद्वयं कृतवत्यौ, चीनस्य पक्षतः यिङ् झाङ् मा निङ् च गोलद्वयं कृतवत्यौ।
भारतदलेन स्पर्धायाः आरम्भः आक्रामकरूपेण कृतः। लालरेम्सियामी प्रारम्भिकेषु एव निमेषेषु उत्तमं प्रयासं कुर्वती भारताय प्रथमं पेनल्टीकार्नरं प्राप्तवती। तथापि नवनीतकौरस्य प्रहारं चीनस्य रक्षापङ्क्तिः निवारितवती। भारतस्य दबावः निरन्तरं वर्धमानः आसीत् तथा अष्टमे निमेषे नवनीतकौरेण गोलः कृत्वा भारतं एकशून्यस्य अग्रतां प्राप्तम्। नेहा डी क्षेत्रस्य बहिःतः कन्दुकं वृत्तक्षेत्रे प्रेषितवती, तत्र नवनीतकौरः अन्तिमस्पर्शं दत्त्वा कन्दुकं गोलस्तम्भयोर्मध्ये प्रेषितवती।
तदनन्तरं चीनदलेन स्पर्धायां पुनरागमनस्य प्रयासः तीव्रतरः कृतः। चतुर्दशे निमेषे पेनल्टीस्ट्रोक् प्राप्ते यिङ् झाङ् इत्यनया किमपि त्रुटिं न कृत्वा भारतीयगोलरक्षिकां सवितां पराजित्य स्कोरं एकैकं कृतवती। भारतदलेन अस्य निर्णयस्य विरुद्धं रेफरल् अपि स्वीकृतम्, किन्तु मैदानी निर्णायकस्य निर्णय एव स्थिरः अभवत्।
द्वितीये क्वार्टरमध्ये भारतदलेन पुनः दबावः निर्मितः। शिल्पी उत्कृष्टं रक्षात्मकं प्रयासं कुर्वती चीनस्य एकं संकटपूर्णं प्रयासं निवारितवती। अपरतः भारतं निरन्तरं चीनस्य वृत्तक्षेत्रे स्थानं निर्मातुं सफलम् अभवत्।
चतुर्विंशतितमे निमेषे दीपिकया उत्कृष्टं व्यक्तिगतं कौशलं प्रदर्शयन्त्या चीनस्य वृत्तक्षेत्रे प्रवेशः कृतः तथा पेनल्टीकार्नरः प्राप्तः। ततः दीपिकयैव उत्तरदायित्वं स्वीकृतम् तथा पञ्चविंशतितमे निमेषे शक्तिशालिना ड्रैगफ्लिक् प्रहारेण गोलः कृत्वा भारतं द्व्येकस्य अग्रतां प्राप्तम्।
भारतदलेन ऊर्जापूर्णं प्रदर्शनं कुर्वता पूर्वार्धस्य समाप्तिपर्यन्तं स्वकीयः अग्रता स्थिरा रक्षिता।
तृतीये क्वार्टरमध्ये चीनदलेन आक्रामकता वर्धिता तथा भारतीयवृत्तक्षेत्रे निरन्तरं दबावः निर्मितः। प्रारम्भिकेष्वेव निमेषेषु सवितया महत्त्वपूर्णाः रक्षणप्रयत्नाः कृताः। चीनस्य निरन्तरदबावस्य लाभः नवत्रिंशत्तमे निमेषे प्राप्तः, यदा पेनल्टीकार्नरस्य अवसरं प्राप्य मा निङ् इत्यनया उत्कृष्टेन ड्रैगफ्लिक् प्रहारेण गोलः कृतः तथा स्कोरः द्विद्वे इति समतायां परिणतः।
तदनन्तरं चीनदलेन कन्दुकस्य नियन्त्रणं रक्षित्वा भारतस्य उपरि दबावः वर्धितः। तथापि सवितया पुनरपि उत्कृष्टं निम्नरक्षणं कृत्वा चीनदलं अग्रतां प्राप्तुं निवारितम्। भारतीयरक्षापङ्क्तिरपि दृढतां प्रदर्शयन्ती तृतीयक्वार्टरस्य समाप्तिपर्यन्तं स्कोरं समं रक्षितवती।
चतुर्थे क्वार्टरमध्ये चीनदलं निरन्तरं विजयगोलस्य अन्वेषणे प्रवृत्तम् आसीत्, भारतदलेनापि प्रतिआक्रमणानां माध्यमेन अवसराः निर्मातुं प्रयत्नः कृतः। द्विपञ्चाशत्तमे निमिषे नवनीतकौरस्य कटबैक् प्रहारे लालरेम्सियाम्यै गोलस्य अवसरः प्राप्तः, किन्तु चीनस्य रक्षापङ्क्त्या तं प्रयासं निवारितम्।
सप्तपञ्चाशत्तमे निमिषे चीनदलं पुनः एकं पेनल्टीकार्नरं प्राप्तवत्, किन्तु भारतीयक्रीडकैः उत्कृष्टं रक्षणं कृत्वा संकटं निवारितम्। अन्तिमेषु निमिषेषु उभाभ्यां दलाभ्यां निर्णायकगोलस्य प्रयासः कृतः, किन्तु कस्यापि दलस्य गोलः न अभवत् तथा स्पर्धा द्विद्वे इति समतायां समाप्ता।
प्रथमचरणस्य स्पर्धानां अनन्तरं चतुर् गोलैः विजयम् प्राप्य इङ्ग्लैण्ड्दलं डी पूले प्रथमस्थाने अस्ति। भारतस्य चीनस्य च एकैकं अङ्कौ स्तः तथा उभे द्वितीयस्थाने स्तः। दक्षिणआफ्रिकादलं चतुर्थस्थाने अस्ति।
भारतदलं अधुना अष्टादशे अगस्तदिने दक्षिणआफ्रिकादलेन सह स्वकीयां आगामीं डी पूलस्पर्धां क्रीडिष्यति तथा प्रतियोगितायाः प्रथमविजयं प्राप्तुं दृढसङ्कल्पेन मैदानम् अवतरिष्यति। अपरतः भारतीयपुरुषहॉकीदलं सप्तदशे अगस्तदिने इङ्ग्लैण्ड्दलेन सह विश्वकपस्य स्वकीयां द्वितीयां स्पर्धां क्रीडिष्यति।
---------------
Hindusthan Samachar / Dheeraj Maithani