6130 मीटरमितायाम् उन्नतायाम् उन्नीतः राष्ट्रध्वजः, कठिनवातावरणे दुर्गम परिस्थितिषु दत्तं समाह्वानम्

हिसारः, 17 अगस्तमासः (हि.स.)।

स्वातन्त्र्यदिवसस्य अवसरे राजगढ़मार्गस्थितस्य राजकीयमहाविद्यालयस्य भूगोलविभागस्य प्राध्यापकः पर्वतारोही च मनोजकुमारः हिमाचलप्रदेशस्य ६,१३० मीटर्-उन्नतायां शिनकून (पश्चिम) शिखर्यां भारतीयं त्रिवर्णध्वजम् आरोप्य देशभक्तेः, साहसस्य पर्यावरणसंरक्षणस्य च अद्वितीयं सन्देशं प्रदत्तवान्। सः अगस्तमासस्य १५ दिनाङ्के दुर्गमे अस्मिन् पर्वतशिखरे त्रिवर्णध्वजं फहरयित्वा स्वातन्त्र्यदिवसम् अविस्मरणीयं कृतवान्।

शिनकूनशिखरं प्रति गमनस्य अभियानं सुलभं नासीत्। अस्मिन् समये प्राध्यापकः मनोजकुमारः अत्यन्तकठिनमौसमस्य, अस्थिभेदिन्याः शीतस्य, चुनौतीपूर्णस्य भूभागस्य प्रतिकूलपरिस्थितीनां च सम्मुखीभूतः। सर्वासां कठिनतां परित्यज्य सः साहसेन दृढसङ्कल्पेन च अभियानम् अनुवर्तयन् सफलतया शिखरस्य उपरि प्राप्य राष्ट्रध्वजम् आरोपितवान्। तस्य एषा उपलब्धिः न केवलं हिसारनगरं, अपितु सम्पूर्णं हरियाणाप्रदेशं गौरवान्वितवती।

प्राध्यापकः मनोजकुमारः हरियाणाप्रदेशस्य सक्रियेषु प्रसिद्धेषु च पर्वतारोहिषु अन्यतमः अस्ति। सः पूर्वमपि देशविदेशयोः अनेकासु उन्नतासु पर्वतशिखरासु भारतीयं त्रिवर्णध्वजम् आरोपितवान्। तेषु यूरोपखण्डस्य माउण्ट् एल्ब्रुस्, आफ्रिकाखण्डस्य माउण्ट् किलिमञ्जारो, एवरेस्ट् आधारशिविरम् तथा हिमालयस्य मचोई ब्लैकपीक् इत्यादीनि प्रमुखाणि शिखराणि सन्ति। तस्य पर्वतारोहणाभियानानां उद्देश्यं केवलम् उन्नतानां पर्वतशिखराणां विजयः न, अपितु साहसस्य, राष्ट्रप्रेम्णः पर्यावरणसंरक्षणस्य च सन्देशं जनानां मध्ये प्रसारयितुमपि अस्ति। शिनकून-अभियानस्य माध्यमेन अपि सः एतमेव उद्देश्यम् अग्रे नीतवान्। अभियानस्य समये प्राध्यापकः मनोजकुमारः जलवायुपरिवर्तनस्य वैश्विकतापनस्य च वर्धमानप्रभावान् प्रति जनजागरूकतायाः सन्देशमपि प्रदत्तवान्।

प्राध्यापकः मनोजकुमारः स्वीयम् अभियानं केन्द्रसर्वकारस्य ‘हर घर तिरंगा’ अभियानस्य सह सम्बद्ध्य देशवासिभ्यः राष्ट्रध्वजस्य प्रति सम्मानस्य राष्ट्रप्रेम्णः भावनायाश्च अधिकं सुदृढीकरणस्य सन्देशं प्रदत्तवान्। सः अवदत् यत् भारतस्य त्रिवर्णध्वजं विश्वस्य उन्नतासु पर्वतशिखरेषु फहरयितुं तस्य कृते गौरवस्य विषयः अस्ति। प्राध्यापकः मनोजकुमारः भविष्ये सर्वेषां महाद्वीपानां सर्वोच्चेषु पर्वतशिखरेषु भारतीयं त्रिवर्णध्वजम् आरोपयितुं स्वेच्छां प्रकटितवान्। सः अवदत् यत् एतत् लक्ष्यं पूरयितुं उपयुक्तस्य प्रायोजकस्य संस्थागतसहयोगस्य च आवश्यकता भविष्यति। तस्य प्रयासः अस्ति यत् आगामिषु पर्वतारोहणाभियानेषु भारतस्य आनबानशानस्य प्रतीकं त्रिवर्णध्वजम् अधिकाधिकेषु उन्नतस्थानेषु प्रापयितुं सह पर्यावरणसंरक्षणस्य सन्देशमपि वैश्विकस्तरे प्रसारयितुं शक्येत।

अभियानस्य सफलतायाः अनन्तरं प्राध्यापकः मनोजकुमारः स्वपत्नी संगीता, मातापितरौ, गो क्लाइम्ब अप्-दलम्, राजकीयमहाविद्यालयहिसारस्य प्राचार्यां प्राध्यापिकाम् अञ्जुचौधरीं, भूगोलविभागाध्यक्षं राजेन्द्रसेवदां तथा हरियाणाप्रदेशस्य जनान् प्रति कृतज्ञतां प्रकटितवान्। सः अवदत् यत् परिवारेण, संस्थानेन, सहयोगिभिश्च प्रदत्तस्य प्रोत्साहनस्य अस्य परिस्थितिपूर्णस्य अभियानस्य सफलतायां महत्त्वपूर्णं योगदानम् अभवत्।

Hindusthan Samachar / Dheeraj Maithani