नवदिल्ली, १६ अगस्तमासः (हि.स.)। दिल्लीसर्वकारस्य कथनानुसारं रविवासरे तिमारपुरात् २५ नवीनानाम् अटल-कैण्टीन इत्यादिनां उद्घाटनं कृत्वा राजधानीनगरे १०० अटल-कैण्टीन इत्यादिनां सङ्कल्पः पूर्णः अभवत्। सर्वकारस्य कथनम् अस्ति यत् पूर्वप्रधानमन्त्रिणः भारतरत्नस्य अटल-विहारीवाजपेयी-महोदयस्य जयन्त्यवसरे २५ दिसम्बर २०२५ दिनाङ्के गृहीतः १०० अटल-कैण्टीन इत्यादिनां सङ्कल्पः अद्य तस्य पुण्यतिथौ पूर्णः अभवत्।

पूर्वोपरााष्ट्रपतिः वेङ्कय्यानायडुः रविवासरे तिमारपुरात् २५ नवीनानाम् अटल-कैण्टीन इत्यादिम् उद्घाटनं कृत्वा ताः देहलीवासिनां सेवायै समर्पितवान्। अस्मिन् अवसरे दिल्ली इत्यस्या: मुख्यमन्त्री रेखागुप्ता, दिल्लीनगरस्य शिक्षामन्त्री आशीषसूदः, भारतीय-जनतापक्षस्य सांसदः मनोजतिवारी, विधायकः सूर्यप्रकाशखत्री च उपस्थिताः आसन्।

मुख्यमन्त्री उक्तवती यत् अद्यतः एताभिः १०० अटल-कैण्टीन इत्यादिभिः प्रतिदिनं प्रायः एकलक्षं श्रमिकेभ्यः आवश्यकता-ग्रस्तपरिवारेभ्यश्च केवलं पञ्चरुप्यकेषु पौष्टिकभोजनं प्रदास्यते। एतेन सह दिल्लीवासिभ्यः कृतम् अन्यदपि वचनं सर्वकारेण पूर्णं कृतम्।

Hindusthan Samachar / Divya Ranjan