इमरान हाश्मी सम्प्रति स्वस्य सद्यः प्रदर्शितायाः ‘आवारापन २’ इति चलचित्रस्य सफलतायाः आनन्दमनुभवति। एतस्मिन्नेव मध्ये अभिनेतुः स्वस्य आगामीबहुप्रतीक्षितस्य ‘गनमास्टर जी९’ इति चलचित्रस्य प्रदर्शनतिथेः घोषणया प्रशंसकेभ्यः अपरमपि उपहारं प्रदत्तवान्। आदित्यदत्तस्य निर्देशननिर्मिते अस्मिन् साहसिकप्रधानमनोरञ्जनात्मकचलचित्रे इमरानस्य सह जेनेलिया डिसूजा तथा अपारशक्ति खुराणा च प्रमुखभूमिकासु दृश्येते। चलचित्रस्य सङ्गीतं हिमेश रेशमियया सज्जीकृतम् अस्ति तथा च अस्य निर्माणं सोहम् रॉकस्टार एण्टरटेन्मेण्ट् प्राइवेट् लिमिटेड् इत्यस्य संस्थायाः अन्तर्गतं कृतम् अस्ति।

इमरान हाश्मिना सामाजिकमाध्यमेषु चलचित्रस्य एकां चलच्चित्रांशयुक्तां दृश्यपट्टिकां प्रकाशित्य अस्य प्रदर्शनतिथेः घोषणा कृता। तेन सूचितं यत् ‘गनमास्टर जी९’ इति चलचित्रं २७ नवम्बर् २०२६ तमे वर्षे चलचित्रगृहेषु प्रदर्शितं भविष्यति। प्रदर्शनतिथेः घोषणानन्तरमेव चलचित्रस्य आयव्ययविषये प्रतिस्पर्धायाः चर्चा अपि प्रारब्धा अस्ति। अस्यामेव तिथौ आयुष्मान् खुराणस्य आगामी ‘ये प्रेम मोल लिया’ इति चलचित्रमपि चलचित्रगृहेषु प्रदर्शितं भविष्यति। अतः नवम्बरमासस्य अन्तिमसप्ताहे उभयोः चलचित्रयोः मध्ये प्रत्यक्षः प्रतिस्पर्धात्मकः सङ्घर्षः द्रष्टुं शक्यते।

रोचकं तथ्यम् इदमस्ति यत् इमरान हाश्मिनः सद्यः प्रदर्शितम् ‘आवारापन २’ इति चलचित्रमपि चलचित्रगृहेषु प्रतिस्पर्धायाः वातावरणे एव प्रदर्शितम् आसीत्। अगस्तमासस्य १४ तमे दिने चलचित्रगृहेषु प्रदर्शितस्य अस्य चलचित्रस्य स्पर्धा सनी देओलस्य ‘बंटवारा १९४७’ इति चलचित्रेण सह अभवत्। अधुना ‘गनमास्टर जी९’ इति चलचित्रस्य कृतेऽपि प्रदर्शनात् पूर्वमेव प्रतिस्पर्धायाः परिस्थितिः निर्मिता अस्ति।

‘आवारापन २’ इति चलचित्रस्य सफलतायाः अनन्तरं इमरानस्य कृते ‘गनमास्टर जी९’ इति चलचित्रं चलचित्रव्यवसाये स्वकीयां स्थितिं अधिकं सुदृढां कर्तुं पुनरपि महत्त्वपूर्णः अवसरः भविष्यति।

Hindusthan Samachar / Dheeraj Maithani