-31 दिसंबर 2026 यावत्मिलिष्यते अस्याः योजनायाः लाभः

-विवादेभ्यः समाधान योजनायाः 2026 अधिकतमः लाभः उत्थापितः प्लॉट-धारकैः

गुरुग्रामः, 17 अगस्तमासः (हि.स.)।हरियाणा नगरीय विकास प्राधिकरण, गुरुग्राम द्वारा भूखण्डधारकानां विवादानां समाधानाय “समाधान योजना २०२६” इत्यस्य प्रारम्भः कृतः। एचएसवीपी-प्रशासिका वैशालीसिंहः सोमवासरे अवदत् यत् एषा योजना भूखण्डवर्धनसम्बद्धानां विवादानाम् एकमुष्टिरूपेण समाधानस्य महत्त्वपूर्णम् अवसरं प्रददाति। योजनायाः अन्तर्गतं त्रिपञ्चाशत् क्षेत्राणां प्रायः ४२१ पात्रलाभार्थिभ्यः ४९४.४९ कोटिरूप्यकेभ्यः अधिका महत्त्वपूर्णा छूटः प्रदास्यते। योजनायाः लाभं प्राप्तुं अन्तिमतिथिः ३१ दिसम्बर २०२६ इति निर्धारितास्ति।

प्रशासिका वैशालीसिंहः अवदत् यत् योजनायाः उद्देश्यम् पात्रेषु आवंटितग्राहीषु भूखण्डवर्धनसम्बद्धानां विवादानां सरलतया, शीघ्रतया निष्पक्षतया च समाधानस्य अवसरं प्रदातुम् अस्ति। अस्याः योजनायाः माध्यमेन तेऽपि आवंटितग्राहिणः लाभान्विताः भविष्यन्ति, ये पूर्वं प्रवर्तितानां योजनानां लाभं प्राप्तुं न शक्नुवन्। सा अवदत् यत् पात्राः भूखण्डधारकाः निर्धारितप्रक्रियामनुसृत्य योजनायाः लाभं स्वीकृत्य स्वप्रलम्बितप्रकरणानां समाधानं कारयन्तु। सा अवदत् यत् योजनायाः अन्तर्गतं आवासीयभूखण्डानाम् आवंटितग्राहिणः, तलानुसारपञ्जीकरणयुक्तभूखण्डाः, समूहगृहनिर्माणस्थलानि, संस्थागतभूखण्डाः तथा औद्योगिकभूखण्डाः इत्यादिषु निर्धारितवर्गेषु अन्तर्भूताः पात्राः आवंटितग्राहिणः लाभं प्राप्तुं शक्नुवन्ति। पात्राः आवंटितग्राहिणः स्वभूखण्डसंख्यां कूटशब्दं च प्रयुज्य एचएसवीपी-जालपुटे स्वनिर्धारितां छूटराशिं ज्ञातुं शक्नुवन्ति।

वैशालीसिंहः अवदत् यत् योजनासम्बद्धां विस्तृतां सूचनां प्राप्तुं आवंटितग्राहिणः योजनायाः जालपुटं गत्वा स्वप्रकरणस्य स्थितिं निर्धारितां छूटराशिं च द्रष्टुं शक्नुवन्ति। योजनासम्बन्धी समस्तसूचना जालपुटे उपलब्धा अस्ति। सा अवदत् यत् कस्यापि प्रकारस्य सूचनायाः अथवा सहाय्यस्य आवश्यकता चेत् आवंटितग्राहिणः स्वसम्बद्धस्य एचएसवीपी-सम्पत्तिकार्यालयस्य सम्पर्कं कर्तुं शक्नुवन्ति अथवा जालपुटस्य माध्यमेन स्वप्रार्थनां पञ्जीकर्तुं शक्नुवन्ति।

निर्धारितावधौ लाभं न स्वीकुर्वतां विरुद्धं नियमानुसारं भविष्यति कार्यवाही

प्रशासिका अवदत् यत् यदि कश्चित् व्यतिक्रमकर्ता आवंटितग्राही निर्धारितावधौ योजनायाः लाभं न स्वीकुर्यात्, तर्हि प्रवर्तमानानां नियमानां विधिप्रावधानानां च अनुसारं सम्बन्धितस्य भूखण्डस्य पुनरधिग्रहणस्य कार्यवाही प्रारब्धुं शक्यते। सा सर्वान् पात्रान् आवंटितग्राहिणः आहूतवती यत् ते ३१ दिसम्बर २०२६ इत्यस्य अन्तिमतिथिं ध्याने निधाय समये एव आवेदनप्रक्रियाम् पूर्णां कुर्वन्तु तथा योजनायाः अन्तर्गतं उपलब्धस्य वित्तीयलाभस्य अधिकतमं लाभं स्वीकुर्वन्तु।

Hindusthan Samachar / Dheeraj Maithani