प्रदेशस्य अधिकाधिकयुवभ्यः जीविकानामवसरानां प्रदानेन सह विभिन्नानां चयनपरीक्षाणां समयबद्धरूपेण सम्पादनस्य विषये मुख्यसचिवस्य एस.पी.गोयलस्य अध्यक्षतायां प्रदेशस्य विभिन्नैः आयोगैः भर्तीमण्डलैश्च सह उपवेशनम् आयोजितम्।

लखनऊ, १७ अगस्त (हि.स.)। उत्तरप्रदेशस्य मुख्यसचिवस्य एस.पी.गोयलस्य अध्यक्षतायां प्रदेशस्य युवभ्यः अधिकाधिकरोजगारावसरानां प्रदानेन तथा विभिन्नानां चयनपरीक्षाणां समयबद्धरूपेण सम्पादनस्य सम्बन्धे प्रदेशस्य विभिन्नैः आयोगैः भर्तीमण्डलैश्च सह उपवेशनम् आयोजितम्।

उपवेशने मुख्यसचिवः अवदत् यत् प्रदेशस्य युवभ्यः अधिकाधिकरोजगारावसरानां प्रदानं सर्वकारस्य प्राथमिकता अस्ति। सः विभिन्नेभ्यः चयनायोगेभ्यः भर्तीसंस्थाभ्यश्च अपेक्षां प्रकटितवान् यत् तैः स्वायत्ततायाः निर्धारितनियमानां च सम्मानं कुर्वद्भिः भर्तीप्रक्रियाः यथासम्भवं समयबद्धरूपेण अग्रे नेतुं प्रयासः करणीयः, येन योग्याः अभ्यर्थिनः नियुक्तिप्राप्त्यर्थम् अनावश्यकप्रतीक्षां न कुर्वन्तु।

सः सुझावं दत्तवान् यत् विभिन्नानां चयनपरीक्षाणाम् आयोजनस्य, परिणामप्रकाशनस्य, अभिलेखसत्यापनस्य नियुक्तिसम्बद्धप्रक्रियाणां च कृते वार्षिकं पञ्चाङ्गं निर्धारितसमयसीमा च प्रभावीरूपेण अनुसर्तव्यम्। यत्र कुत्रचित् कस्यापि स्तरस्य प्रक्रिया प्रलम्बिता अस्ति, तत्र सम्बन्धितसंस्थाभिः तस्याः नियमितरूपेण समीक्षां कृत्वा आवश्यकः समन्वयः करणीयः।

मुख्यसचिवः चयनपरीक्षासु पारदर्शितायाः, शुचितायाः निष्पक्षतायाश्च सर्वोच्चप्राथमिकता दातव्येति बलं दत्तवान्। सः सुझावं दत्तवान् यत् परीक्षाप्रक्रियायाः प्रत्येकस्मिन् चरणे निर्धारितमानकानां नियमानां च अनुपालनं सुनिश्चित्य आधुनिकप्रौद्योगिकीयसंसाधनानां अधिकाधिकः उपयोगः करणीयः। अनेन परीक्षाप्रक्रिया अधिका सुगमा, सुरक्षिता विश्वसनीया च भविष्यति तथा अभ्यर्थिभ्यः न्यूनतमा असुविधा भविष्यति।

सः अवदत् यत् भर्तीप्रक्रियासु गतिं वर्धयितुं सह परीक्षायाः गुणवत्तां विश्वसनीयतां च संरक्षितुं आवश्यकम् अस्ति। अस्य दृष्ट्या भर्तीसंस्थानां मध्ये आवश्यकसमन्वयेन अनुभवस्य परस्परविनिमयेन च प्रक्रियाः अधिकं प्रभावीः कर्तुं शक्यन्ते।

उपवेशने विभिन्नेषु चयनायोगेषु भर्तीमण्डलेषु च कार्यरतैः वरिष्ठाधिकारिभिः भर्तीपरीक्षाणां प्रगतिः, समयबद्धचयनप्रक्रिया तथा परीक्षाव्यवस्थाभिः सम्बद्धेषु विभिन्नेषु विषयेषु सूचना प्रदत्ता। भर्तीप्रक्रियाः अधिकाः सुगमाः समयबद्धाश्च कथं करणीयाः इति विषये अपि विचारविमर्शः कृतः।

उपवेशने नियुक्तिकार्मिकविभागस्य प्रमुखसचिवः एम्.देवराजः, उत्तरप्रदेशशिक्षासेवाचयनायोगस्य अध्यक्षः प्रशान्तकुमारः, प्रमुखः स्टाफ्-अधिकारी अमृतासोनी सहितं उत्तरप्रदेशलोकसेवायोगस्य, उत्तरप्रदेशाधीनस्थसेवाचयनायोगस्य, उत्तरप्रदेशपुलिसभर्तीमण्डलस्य च वरिष्ठाधिकारिणः अन्ये च सम्बन्धिताधिकारिणः उपस्थिताः आसन्।

Hindusthan Samachar / Dheeraj Maithani