Enter your Email Address to subscribe to our newsletters
लखनऊ, १७ अगस्तमासः (हि. स.)। प्रो. बिहारी लाल शर्मा द्वितीयवारं वाराणसीस्थितस्य सम्पूर्णानन्दसंस्कृतविश्वविद्यालयस्य कुलपतिरूपेण नियुक्ताः सन्ति। राज्यपालया कुलाधिपतिना आनन्दीबेन पटेल इत्यनया तेषां नियुक्तेः आदेशः निर्गतः। प्रो. शर्मणः एतत् द्वितीयं कार्यकालमपि त्रिवर्षात्मकं भविष्यति।
कुलाधिपतेः विशेषकार्याधिकारिणा अपरमुख्यसचिवेन च डॉ. सुधीर एम. बोबडे इत्यनेन अस्य सम्बन्धे शासनादेशः निर्गतः।
प्रो. शर्मणा अगस्तमासे २०२३ तमे वर्षे प्रथमवारं सम्पूर्णानन्दसंस्कृतविश्वविद्यालयस्य कुलपतेः दायित्वं स्वीकृतम् आसीत्। ततः पूर्वं ते नवदिल्लीनगरस्थिते लालबहादुरशास्त्रीराष्ट्रियसंस्कृतविश्वविद्यालये प्राध्यापकपदे कार्यरताः आसन्। हिमाचलप्रदेशस्य बिलासपुरजनपदस्य एकस्मात् लघुग्रामात् आगताः प्रो. शर्मा संस्कृतज्योतिषविषययोः विद्वांसः मन्यन्ते। अद्यावधि ते प्रायः द्विद्विंशतिं शोधार्थिभ्यः विद्यावारिध्युपाधिं प्रदापितवन्तः।
स्वस्य प्रथमकार्यकालस्य अवधौ विश्वविद्यालयानुदानायोगेन अन्तर्विश्वविद्यालयीययोगविज्ञानकेन्द्रस्य शासीपरिषदः सदस्यरूपेण अपि ते नामाङ्किताः आसन्। सम्प्रति एव राष्ट्रियछात्रसेनया तैः मानदकर्नलपदवी अपि प्रदत्ता।
सम्पूर्णानन्दसंस्कृतविश्वविद्यालयः देशस्य प्राचीनतमेषु प्रतिष्ठितेषु च संस्कृतशिक्षणसंस्थानेषु परिगण्यते। प्रो. शर्मणः पुनर्नियुक्त्या विश्वविद्यालये प्रचलितानां शैक्षणिकप्रशासनिकयोजनानां निरन्तरता भविष्यतीति अपेक्षा व्यक्ता क्रियते।
---------------
Hindusthan Samachar / अंशु गुप्ता