Enter your Email Address to subscribe to our newsletters
नवदिल्ली, १८ अगस्तमासः (हि.स.)। भारतीयजनतापक्षस्य राष्ट्रीयाध्यक्षेण नितिननवीन-महोदयेन दलस्य सङ्गठने महत्त्वपूर्णान् परिवर्तनान् कुर्वता उत्तरप्रदेशस्य, पञ्जाबस्य, गुजरातस्य च कृते नवीनाः प्रदेशप्रभारिणः सहप्रभारिणश्च नियुक्ताः।
मङ्गलवासरे प्रकाशितायां विज्ञप्त्यां कथितं यत् भाजपाध्यक्षेण नितिननवीन-महोदयेन विनोदतावडे उत्तरप्रदेशस्य प्रभारी नियुक्तः, यदा तु जगदीशेश्वरभाईपटेलः राज्यस्य सहप्रभारी नियुक्तः।
पञ्जाबस्य दायित्वं सतीशपूनियायै समर्पितम् अस्ति। तत्रैव तरुणचुगः गुजरातस्य नवीनः प्रभारी नियुक्तः। एताः नियुक्तयः भाजपादलस्य सङ्गठनात्मकं तन्त्रं अधिकं सुदृढं कर्तुं तथा च अग्रिमानां राजनैतिकानां निर्वाचनसम्बद्धानां च गतिविधीनां सज्जतायै महत्त्वपूर्णाः मन्यन्ते।
उल्लेखनीयं यत् सोमवासरे भाजपादलेन सङ्गठनात्मकं परिवर्तनं कुर्वता नवीनदलस्य घोषणा कृता। विनोदतावडे पुनः राष्ट्रियमहासचिवरूपेण नियुक्तः। तथैव राज्यसभासदस्यः तरुणचुगः दलस्य कार्यालयप्रभारी नियुक्तः। सतीशपूनिया अपि राष्ट्रीयमहासचिवरूपेण नियुक्तः।
Hindusthan Samachar / Divya Ranjan