बाराबंकी, 18 अगस्तमासः (हि.स.)।

मुख्यमन्त्रिणः निर्देशानुसारं जनपदस्य जलप्लावनेन पीडितक्षेत्रेषु राहताकार्याणां रक्षणकार्याणां च वास्तविकस्थितिं परीक्षितुं मङ्गलवासरे कारागारराज्यमन्त्री तथा जनपदस्य प्रभारीमन्त्री सुरेशराही रामनगरतहसीलस्य हेतमापुरक्षेत्रस्य स्थलीयनिरीक्षणं कृतवान्। तेन हेतमापुरबाढचौकीस्थलस्य तटबन्धस्य च निरीक्षणं कृत्वा बाढस्थितेः राहतारक्षणव्यवस्थायाः तथा प्रभावितपरिवारेभ्यः प्रदीयमानानां सुविधानां च विषये सूचनाः प्राप्ताः। अस्मिन् अवसरे तेन ग्रामीणैः सह संवादं कृत्वा तेषां समस्याः अपि श्रुताः।

प्रभारीमन्त्रिणा हेतमापुरस्थायीबाढाश्रयालये पञ्चाशत् प्रभावितजनेभ्यः राहतसामग्री वितरिता। तदतिरिक्तं राजस्वग्रामस्य बतनेरान्तर्गतं कोडरीग्रामे त्रयोदशाधिकशतं, सुन्दरनगरे नवतिः तथा ललपुरवाग्रामे अष्टत्रिंशदधिकशतं बाढपीडितपरिवारेभ्यः राहतसञ्चिकाः प्रदत्ताः। अपरत्र बाबापुरवाग्रामस्य प्रभावितपरिवारेभ्यः एकशतं नव राहतसञ्चिकाः उपलब्धाः कृताः। एवं समग्रतया पञ्चशतं राहतसञ्चिकाः वितरिताः। जनपदे अद्यपर्यन्तं एकसहस्रनवशतत्रिंशत् राहतसञ्चिकाः वितरिताः सन्ति।

प्रभावितपरिवारेभ्यः सर्वथा प्राप्नुयात् राहतसाहाय्यम्

प्रभारीमन्त्रिणा अधिकारिभ्यः निर्देशः दत्तः यत् कोऽपि बाढपीडितपरिवारः राहतसामग्रीतः वञ्चितः न भवेत्। स्थानीयस्तरे प्रभावितपरिवाराणां आवश्यकतानां निरन्तरं मूल्याङ्कनं कृत्वा समये साहाय्यं उपलब्धं कारयितव्यम्। तेन उक्तं यत् राहताकार्येषु रक्षणकार्येषु च कस्मिन्नपि स्तरे प्रमादः न सहिष्यते। तेन निर्देशितं यत् बाढचौकीषु सम्बन्धितविभागानाम् अधिकारिणः कर्मचारिणश्च उपस्थिताः भवेयुः तथा च ग्रामीणानां समस्याः स्थले एव समाधानं प्राप्नुयुः। तथैव पात्रजनानां कृते शासनस्य विभिन्नानां कल्याणकारीयोजनानां लाभः सुनिश्चितः करणीयः।

षड्विंशतिप्रकारसामग्रीसमन्विता राहतसञ्चिका

प्रभावितपरिवारेभ्यः प्रदीयमानेषु राहतसञ्चिकासु दश किलोग्रामपरिमितं गोधूमचूर्णं, दश किलोग्रामपरिमितं तण्डुलं, द्विकिलोग्रामपरिमिता तूरदालः, द्विकिलोग्रामपरिमिताः चणकाः, त्रिपालः इत्यादयः दैनन्दिनजीवनस्य आवश्यकताभिः सम्बद्धाः समग्रतया षड्विंशतिप्रकाराः सामग्रीः समाविष्टाः सन्ति। बाढपीडितक्षेत्रेषु पशूनां कृते पर्याप्तपरिमाणेन तृणस्य व्यवस्थापि कृता अस्ति।

जिलाधिकारी बाढस्थितेः विवरणं प्रदत्तवान्

निरीक्षणसमये जिलाधिकारी ईशानप्रतापसिंहेन प्रभारीमन्त्रिणे बाढस्य वर्तमानस्थितेः तथा प्रशासनस्य पक्षतः क्रियमाणानां राहताकार्याणां रक्षणकार्याणां च विषये सूचनाः प्रदत्ताः। तेन उक्तं यत् संवेदनशीलक्षेत्रेषु निरन्तरं निरीक्षणं क्रियते तथा आवश्यकता जायमाने प्रभावितजनान् सुरक्षितस्थानेषु प्रेषयितुं आवश्यकराहतसाहाय्यं च प्रदातुं व्यवस्था कृता अस्ति।

प्रभारीमन्त्रिणा बाढचौकीषु राहतशिविरेषु संवेदनशीलक्षेत्रेषु च व्यवस्थाः निरन्तरं सक्रियाः स्थापयितुं निर्देशाः प्रदत्ताः। तेन राजस्वविभागाय प्रभावितपरिवाराणां सत्यापनस्य राहतवितरणस्य च, स्वास्थ्यविभागाय चिकित्सासेवानां, पशुपालनविभागाय पशूनां कृते चारेण चिकित्सया च सम्बन्धितव्यवस्थायाः तथा अन्यविभागेभ्यः स्वकीयदायित्वानां प्रभाविरूपेण निर्वहनस्य निर्देशाः प्रदत्ताः। तेन सर्वेभ्यः विभागेभ्यः परस्परसमन्वयेन कार्यं कृत्वा प्रभावितपरिवारेभ्यः सर्वसम्भवं साहाय्यं प्रदातुं निर्देशाः दत्ताः। अस्मिन् अवसरे विधानपरिषद्सदस्यः अङ्गदसिंहः, पुलिसाधीक्षकः अर्पितविजयवर्गीयः, भाजपाजनपदाध्यक्षः रामसिंहवर्मा, पूर्वरामनगरविधायकः शरद अवस्थी इत्यादयः सम्बन्धितविभागानाम् अधिकारिणः जनप्रतिनिधयः बहुसंख्याकाः ग्रामीणाश्च उपस्थिताः आसन्।

Hindusthan Samachar / Dheeraj Maithani