कोलकाता, 18 अगस्तमासः (हि. स.)।

झारखण्डे अनियमितताभियोगानां कारणेन झारखण्डलोकसेवायोगस्य तथा झारखण्डकर्मचारीचयनायोगस्य च नियुक्तिपरीक्षाणां निरस्तीकरणस्य निर्णयं प्रति भाजपादलस्य राज्यसभासदस्यः शमिक् भट्टाचार्यः विपक्षं प्रति तीव्रं प्रहारं कृतवान्। तेन आरोपितं यत् वस्तुतः भारते कश्चिदपि विपक्षीदलः नास्ति।

मङ्गलवासरे प्रातः पत्रकारैः सह वार्तालापं कुर्वन् भट्टाचार्यः उक्तवान् यत् प्रश्नपत्रप्रसरणस्य विषये विपक्षेण संसदः सम्पूर्णं वर्षाकालीनसत्रं नष्टं कृत्वा जनतया सह विश्वासघातः कृतः। वस्तुतः भारते कश्चिदपि विपक्षीदलः नास्ति।

भट्टाचार्यः काङ्ग्रेसदलमपि लक्ष्यीकृत्य आरोपितवान् यत् तत् दलं स्वकीयम् इतिहासं विस्मृतवत् अस्ति। तेन उक्तं यत् राजनीतौ सर्वसम्मतेः विशेषं महत्त्वम् अस्ति। पूर्वोत्तरभारतस्य विषयः भवतु, कश्मीरस्य विषयः, विदेशनीतेः विषयः अथवा प्रश्नपत्रप्रसरणस्य विषयः, सर्वेषु विषयेषु मिलित्वा कार्यं करणीयम्।

तेन उक्तं यत् वयं सर्वे एकत्र उपविश्य एतेषु विषयेषु कार्यं कुर्याम। एतदेव लोकतन्त्रम् अस्ति तथा च लोकतन्त्रे कलहस्य, विवादस्य अथवा अहङ्कारस्य कापि स्थानं नास्ति। भाजपादलस्य राज्यसभासदस्यः अग्रे दावां कृतवान् यत् नास्ति कश्चिदपि विषयः यस्मिन् विषये सर्वकारः चर्चां कर्तुं सिद्धा न भवेत्।

---------------

Hindusthan Samachar / Dheeraj Maithani