नव टिहरी, 18 अगस्तमासः (हि.स.)।

नवटिहरीनगर्यां चिकित्सामहाविद्यालयस्य निर्माणस्य मागं कृत्वा संयुक्तसंघर्षसमित्याः अनिश्चितकालीनं धरनं क्रमिकानशनं च निरन्तरं प्रचलितम्। तृतीये दिने धरनास्थले वक्तारः उक्तवन्तः यत् चिकित्सामहाविद्यालयाय भूमिचयनस्य विषये जनानां मध्ये भ्रमः प्रसार्यते।

जिलाप्रशासनेन इणियानामके स्थले पूर्वमेव भूमिचयनं कृत्वा प्रस्तावः शासनाय प्रेषितः आसीत्। कार्यदायिसंस्थया चिकित्सामहाविद्यालयस्य विस्तृतपरियोजनाप्रतिवेदनमपि सिद्धं कृतम्। तथापि अद्यापि तस्य स्वीकृतिः न प्रदत्ता। संघर्षसमित्या शीघ्रमेव अत्र चिकित्सामहाविद्यालयस्य निर्माणं कर्तुं मागः कृतः।

मङ्गलवासरे संयुक्तसंघर्षसमित्याः संयोजकस्य डॉ. राकेशभूषणगोदियालस्य नेतृत्वे गणेशचौकबौराड्याम् भाजपानेता जीतरामभट्टः, व्यापारमण्डलनवटिहरीस्य अध्यक्षः भगवानसिंहरावतः, मायारामथपलियालः, लववीरचौहानः, विनोदडोभालः, रामकृष्णउनियालः, रतनलालउनियालः, मनोजचमोलिः, रामप्रकाशसेमवालः, दिनेशनन्दरालः तथा दिनेशचौहानः च चतुर्विंशतिघण्टात्मकक्रमिकानशने उपविष्टवन्तः।

समर्थनार्थं बहुसंख्याकाः स्थानीयजनाः धरनायां सम्मिलिताः भूत्वा सर्वकारेण टिहरीजनपदस्य उपेक्षायाः आरोपं कृतवन्तः। ते उक्तवन्तः यत् देशस्य ऊर्जायै, सिञ्चनाय, पेयजलस्य आवश्यकतानां पूर्तये च टिहरीजनैः महती बलिदानं कृतम्, किन्तु अद्य टिहरी उपेक्षायाः दंशं सोढुम् विवशः अस्ति। मुख्यमन्त्रिणः घोषणायाः अनन्तरमपि समस्यायाः समाधानं न भवितुं दुर्भाग्यपूर्णम् अस्ति।

Hindusthan Samachar / Dheeraj Maithani