नव दिल्ली, 18 अगस्तमासः (हि.स.)।

देशस्य विपणिषु रक्षाबन्धनपर्वणि स्वदेशी रक्षासूत्राणां प्रबलमाग्रहः दृश्यते। तत्र ‘विकसितभारत रक्षासूत्रम्’, ‘मोदी-गारण्टी रक्षासूत्रम्’, ‘आत्मनिर्भरभारत रक्षासूत्रम्’, ‘वोकल फॉर लोकल रक्षासूत्रम्’ इत्येतानि विशेषरूपेण लोकप्रियाणि भवन्ति। अखिलभारतीयव्यापारिसङ्घस्य राष्ट्रियमहासचिवः सांसदः प्रवीणखण्डेलवालः उक्तवान् यत् अस्मिन् वर्षे रक्षाबन्धनपर्वणः अवसरे देशस्य सर्वेषु भागेषु प्रायः पञ्चविंशतिसहस्रकोटिरूप्यकाणां व्यापारस्य अनुमानमस्ति, यः गतवर्षस्य तुलनया प्रायः पञ्चचत्वारिंशत्प्रतिशताधिकः अस्ति। तेन सह उपहाराणां, मिष्टान्नानां, वस्त्राणां तथा अन्यानां उत्सवीयवस्तूनां व्यापारं सम्मिल्य कुलव्यापारः त्रिंशत्सहस्रकोटिरूप्यकेभ्यः अधिकः भवितुमर्हति। गतवर्षे देशे रक्षासूत्राणां व्यापारः प्रायः सप्तदशसहस्रकोटिरूप्यकाणां अभवत्, यदा तु वर्षे द्विसहस्रत्रयोविंशतौ अयं व्यापारः द्वादशसहस्रकोटिरूप्यकाणाम् आसीत्। मिष्टान्नानां, उपहाराणां तथा पैकिंगवस्तूनां व्यापारः तस्मात् पृथगेव आसीत्।

खण्डेलवालेन मङ्गलवासरे प्रकाशितायां विज्ञप्तौ उक्तं यत् एषा भारतीयनिर्मितवस्तूनां प्रति उपभोक्तृणां वर्धमानविश्वासस्य तथा प्रधानमन्त्रिणा नरेन्द्रमोदिना कृतस्य ‘वोकल फॉर लोकल’, ‘लोकल फॉर ग्लोबल’ एवं ‘आत्मनिर्भरभारत’ इत्यादीनाम् आह्वानस्य महती सफलता अस्ति। तेन उक्तं यत् अस्मिन् वर्षे विपणिषु पारम्परिकरक्षासूत्रैः सह प्रधानमन्त्रिणः विविधजनकल्याणकारीयोजनाभिः, राष्ट्रियसाफल्यैः तथा विकसितभारतस्य सङ्कल्पेन प्रेरितानां विशेषविषयाधारितरक्षासूत्राणां महती मागः वर्तते। तेषु ‘विकसितभारत रक्षासूत्रम्’, ‘मोदी-गारण्टी रक्षासूत्रम्’, ‘ब्रह्मोस रक्षासूत्रम्’, ‘आत्मनिर्भरभारत रक्षासूत्रम्’, ‘वोकल फॉर लोकल रक्षासूत्रम्’, ‘भारतगौरव रक्षासूत्रम्’, ‘नारीवन्दन रक्षासूत्रम्’, ‘लखपतिदीदी रक्षासूत्रम्’, ‘नमामि गङ्गे रक्षासूत्रम्’, ‘राष्ट्ररक्षासूत्रम्’ तथा ‘अमृतकाल रक्षासूत्रम्’ विशेषरूपेण लोकप्रियाणि भवन्ति।

अखिलभारतीयव्यापारिसङ्घस्य राष्ट्रियाध्यक्षः बीसी भरतियाः उक्तवान् यत् एतेषां रक्षासूत्राणां माध्यमेन भगिन्यः केवलं रक्षासूत्रं न बध्नन्ति, अपितु राष्ट्रनिर्माणे, महिलासशक्तीकरणे, स्वदेशी-अभियाने, पर्यावरणसंरक्षणे तथा राष्ट्रियसुरक्षायां स्वकीयभावनानाम् अपि अभिव्यक्तिं कुर्वन्ति। विशेषरूपेण युवकेषु बालकेषु च ‘ब्रह्मोस रक्षासूत्रम्’, ‘राष्ट्ररक्षासूत्रम्’ तथा ‘विकसितभारत रक्षासूत्रम्’ प्रति उत्साहः दृश्यते।

भरतियाः उक्तवान् यत् देशस्य विभिन्नप्रदेशानां कला, संस्कृतिं तथा स्थानीयोत्पादान् प्रोत्साहयन्त्यः रक्षासूत्राण्यपि विपणिषु अत्यधिकं प्रीयन्ते। नागपुरस्य खादीरक्षासूत्रम्, जयपुरस्य सांगानेरीकलारक्षासूत्रम्, पुण्यस्य बीजरक्षासूत्रम्, असमस्य चायपत्ररक्षासूत्रम्, कोलकातायाः जूटनिर्मितरक्षासूत्रम्, मुम्बईनगरस्य रेशमरक्षासूत्रम्, बिहारस्य मधुबनीरक्षासूत्रम्, बेङ्गलूरुनगरस्य पुष्परक्षासूत्रम् तथा अन्यानि अनेकानि स्वदेशीरक्षासूत्राणि भारतीयहस्तशिल्पस्य स्थानीयोद्यमितायाश्च परिचायकानि भवन्ति।

अखिलभारतीयव्यापारिसङ्घस्य राष्ट्रियाध्यक्षः बृजमोहन अग्रवालः देशस्य सर्वेषां व्यापारिणां उपभोक्तॄणां च प्रति आह्वानं कृतवान् यत् ते रक्षाबन्धनपर्वणि सहितम् आगामीषु सर्वेषु उत्सवेषु भारतीयनिर्मितवस्तूनां प्राथमिकतया क्रयणं कुर्वन्तु तथा ‘स्वदेशी अपनाओ, भारत बढ़ाओ’ इति अभियानं अधिकं सुदृढं कुर्वन्तु। देशे भारतीयार्थव्यवस्थायै, कुटीरोद्योगेभ्यः, हस्तशिल्पेभ्यः तथा लघूद्यमेभ्यश्च नूतनशक्तिः प्राप्यते, येन ‘भारतं निर्मातु, विश्वं स्वीकुर्यात्’ इति अखिलभारतीयव्यापारिसङ्घस्य सङ्कल्पः अधिकं सुदृढः भवति।

खण्डेलवालेन उक्तं यत् अखिलभारतीयव्यापारिसङ्घः देशस्य विभिन्नेषु नगरेषु विशेषस्वदेशीमेलान् आयोजयितुं गच्छति, यत्र महिलोद्यमिभिः, स्वसहायतासमूहैः तथा स्थानीयशिल्पिभिः निर्मितानां रक्षासूत्राणां अन्येषां च वस्तूनां विक्रयः भविष्यति। तेन उक्तं यत् नागपुरस्य खादीरक्षासूत्रम्, जयपुरस्य सांगानेरीकलारक्षासूत्रम्, पुण्यस्य बीजरक्षासूत्रम्, कोलकातायाः जूटनिर्मितरक्षासूत्रम्, जनजातीयहस्तकलया निर्मितं वेणुरक्षासूत्रम्, असमस्य चायपत्ररक्षासूत्रम्, मुम्बईनगरस्य रेशमरक्षासूत्रम्, मुम्बईकानपुरयोः मोतीरक्षासूत्रं च विपणिषु बहुसंख्यया विक्रीयन्ते। एतेन लघुशिल्पिभ्यः, हस्तकलाकारिभ्यश्च विशालं विपणिमण्डलं प्राप्यते।

---------------

Hindusthan Samachar / Dheeraj Maithani