Enter your Email Address to subscribe to our newsletters
रायपुरम्, १९ अगस्तमासः (हि.स.)। भारतस्य उपराष्ट्रपतेः सितम्बरमासस्य द्वितीयदिनाङ्के प्रस्तावितस्य छत्तीसगढ-प्रवासस्य सज्जतायाः समीक्षा मुख्यसचिवेन विकासशीलेन बुधवासरे मन्त्रालयस्य महानदीभवने आयोजितायां राज्यस्तरीयसभायां कृता। अस्मिन् अवसरे तेन अधिकारिभ्यः सुरक्षा, प्रोटोकॉल, यातायात, चिकित्सा, स्वागतं तथा अन्यव्यवस्थाः निर्धारितनियमानुसारं सुनिश्चितां कर्तुं निर्देशाः प्रदत्ताः।
सभायां मुख्यसचिवः अवदत् यत् उपराष्ट्रपतेः प्रवासस्य समये विमानस्थान-कात् कार्यक्रमस्थलं प्रति तथा प्रत्यागमनाय प्रवेश-निर्गमनयोजनेन सह सर्वाः व्यवस्थाः उत्तमसमन्वयेन अन्तिम-रूपं प्राप्नुयुः। तेन सम्बन्धित-विभागेभ्यः क्षण-प्रतिक्षणकार्यक्रमानुसारं सर्वाः सज्जताः समये एव पूर्णाः कर्तुं निर्देशाः प्रदत्ताः।
उल्लेखनीयं यत् उपराष्ट्रपतिः सितम्बरमासस्य द्वितीयदिनाङ्के रायपुर-स्थिते अखिलभारतीय-आयुर्विज्ञान-संस्थाने (एम्स) आयोजिते दीक्षान्तसमारोहे भागं ग्रहीष्यति। मुख्यसचिवेन विमान-स्थानके स्वागतस्य, स्वागतपङ्क्तेः, एम्स-स्थले स्वागतस्य तथा अन्यासां प्रोटोकॉल-सम्बद्धानां व्यवस्थायै रायपुरस्य जनपदाधिकारिणे आवश्यकाः निर्देशाः प्रदत्ताः। तथैव विमानस्थानके कार्यक्रम-स्थले च आरक्षकविभागस्य समुचितां नियुक्तिं सुरक्षाव्यवस्थां च सुनिश्चितं कर्तुं निर्दिष्टम्।
मुख्यसचिवेन गृहमन्त्रालयाय सुरक्षा-सम्बद्धाः सर्वाः आवश्यकाः कार्यवाह्यः समये एव पूर्णाः कर्तुं निर्देशाः प्रदत्ताः। तेन आवासव्यवस्थायाः, प्रकाशस्य विद्युदापूर्तेः, चिकित्सासुविधानां तथा आकस्मिक-चिकित्सासाहाय्यस्य उपलब्धतायाः सुनिश्चितीकरणेऽपि बलं दत्तम्। कार्यक्रम-स्थले आसनव्यवस्था भारतसर्वकारस्य निर्धारितनियमस्य डायस-योजनायाश्च अनुरूपं कर्तुं तथा वन्देमातरम्-राष्ट्र-गानाभ्यां सह सर्वाः औपचारिकताः नियमानुसारं सम्पादयितुं निर्देशाः प्रदत्ताः।
सभायां गृह-जेलविभागस्य प्रमुखसचिवा निहारिकाबारिक्, सामान्यप्रशासन-विभागस्य सचिवः अविनाशचम्पावत्, मुख्यमन्त्रिणः सचिवः मुकेशकुमारबंसलः, रायपुरसम्भागस्य आयुक्तः श्यामधावडे, सुशासन-अभिसरणविभागस्य संयुक्त-सचिवः मयङ्कअग्रवालः, सामान्य-प्रशासनविभागस्य उपसचिवा अंशिका-पाण्डेयः, रायपुरस्य जनपदाधिकारी, रायपुरस्य आरक्षकमहानिरीक्षकः, रायपुर-एम्स-संस्थायाः चिकित्साधिकारी तथा विभिन्नविभागानां वरिष्ठाधिकारिणः उपस्थिताः आसन्।
Hindusthan Samachar / Divya Ranjan