कोलकाता, १९ अगस्तमासः (हि.स.)। कोलकाताविमानस्थानकस्य बहिः मङ्गलवासरे स्वकीयस्य वाहनं परितः जनैः घोषणां कृत्वा विरोधप्रदर्शनं कृतस्य घटनाक्रमस्य विषये तृणमूलकाङ्ग्रेसस्य सांसदः सौगतरायः लोकसभाध्यक्षाय ओम बिरला इत्यस्मै पत्रं लिखितवान्। पत्रे सः भारतीयजनतापक्षस्य द्वौ विधायकौ अरिजीतः बक्सी तथा सौरभशिकदारौ घटनायाः उत्तरदायिनौ इति निर्दिष्टवान्।

वस्तुतः सौगतरायः मङ्गलवासरे कोलकाताविमानस्थानकस्य परामर्श-समितेः सभायां भागं ग्रहीतुं विमान-स्थानकनिदेशकस्य कार्यालयं गतवान्। सभा समाप्तेः अनन्तरं यदा सः स्वकीयवाहने उपविष्टवान्, तदा प्रदर्शनकारिभिः वाहनं परिवेष्टितम् तथा ‘चोर-चोर’ इति घोषणाः कुर्वद्भिः कृष्णध्वजाः प्रदर्शिताः। आरोपः अस्ति यत् केचन प्रदर्शनकारिणः पादत्राणैः वाहनस्य अग्रभागेऽपि प्रहारं कृतवन्तः।

आरक्षककर्मचारिणां सुरक्षाकर्मचारिणां च साहाय्येन सौगतरायस्य वाहनं कथञ्चित् प्रदर्शनकारिणां मध्यात् बहिः निष्कासितम्। घटनायाः अनन्तरं सांसदेन लोक-सभाध्यक्षाय पत्रं लिखित्वा सम्पूर्णस्य घटनाक्रमस्य सूचना दत्ता तथा कार्यवाहीं कर्तुम् आग्रहः कृतः।

सौगतरायः बुधवासरे माध्यमप्रतिनिधिभिः सह वार्तालापे अवदत् यत् सः मङ्गलवासरे घटितायाः घटनायाः सम्पूर्णां सूचनां लोकसभाध्यक्षाय दत्तवान्। सः अवदत् यत् सः जनप्रतिनिधिः अस्ति तथा च घटनायां भारतीयजनतापक्षस्य द्वयोः जनप्रतिनिध्योः संलिप्तता अस्ति। सांसदस्य अनुसारं सः स्वपत्रे भारतीयजनतापक्षस्य विधायकयोः अरिजीतबक्सी-सौरभशिकदारयोः नाम्नि अपि उल्लिखितवान्।

उल्लेखनीयं यत् विधानसभानिर्वाचनस्य परिणामाः मे-मासस्य चतुर्थे दिवसे घोषिताः ततः परं सौगतरायस्य विरुद्धं एतादृशस्य विरोधप्रदर्शनस्य इदं प्रथमं प्रकरणं नास्ति। अस्मात् पूर्वं दमदम-नगरेऽपि तस्य वाहनं परिवेष्ट्य प्रदर्शनं कृतम् आसीत्। तस्मिन् समये प्रदर्शनकारिभिः कथितरूपेण ‘वृद्धचोर’ इति घोषणाः कृताः तथा तस्य वाहने डिम्बानि क्षिप्तानि आसन्।

Hindusthan Samachar / Divya Ranjan