औरैया, 19 अगस्तमासः (हि.स.)।

राष्ट्रियायुष-अभियानस्य उत्तरप्रदेशसर्वकारस्य च पक्षतः सञ्चालिते योगस्वास्थ्यकेन्द्रे राजकीयसमोपचारचिकित्सालयस्य पक्षतः प्रतिदिनं प्रातःकाले प्रखण्डपरिसरे योगसाधकेभ्यः स्वास्थ्यजागरूकजनेभ्यश्च सामूहिकयोगाभ्यासः कारयते। अस्मिन् समये जनानां स्वस्थजीवनशैल्याः स्वीकरणस्य सह विभिन्नस्वास्थ्यसम्बद्धव्यावहारिकसूचनाः अपि प्रदीयन्ते।

योगाभ्यासस्य समये वरिष्ठयोगप्रशिक्षकः योगप्राकृतिकचिकित्सकश्च योगेन्द्रकुमारमिश्रः बुधवासरे उक्तवान् यत् जीवनस्य लक्ष्यं एतदेव भवेत् यत् वयं सर्वे स्वस्थाः भवेम तथा रागद्वेषाभ्यां तनावेन च दूरं स्थित्वा प्रसन्नं जीवनं यापयेम। तेन उक्तं यत् धावनपूर्णे जीवने अनियमितभोजनस्य, समये भोजनं न करणस्य, समये शयनस्य जागरणस्य च अभ्यासनां च अभावेन बालकेभ्यः आरभ्य वृद्धजनपर्यन्तं जनाः विविधाभिः समस्याभिः पीडिताः सन्ति।

तेन सूचितं यत् पाचनतन्त्रस्य स्वास्थ्यरक्षणाय नियमितदिनचर्या, सन्तुलिताहारः, योगाभ्यासश्च अत्यन्तं महत्त्वपूर्णाः सन्ति। सूक्ष्मव्यायामस्य योगस्य च विविधक्रियाणां माध्यमेन शरीरं स्वस्थं स्थापयितुं प्रयासः क्रियते। योगः प्राकृतिकचिकित्सा च व्यक्तिं स्वस्य जीवनशैल्यां सुधारं कर्तुं स्वस्थजीवनस्य दिशि च प्रेरयतः।

योगेन्द्रकुमारमिश्रेण सूचितं यत् विगतेभ्यः अष्टवर्षेभ्यः योगस्वास्थ्यकेन्द्रस्य माध्यमेन निरन्तरं जनान् योगस्य प्राकृतिकचिकित्सायाश्च विषये जागरूकं क्रियते। अस्मिन् अवधौ सहस्रशः जनाः योगाभ्यासस्य माध्यमेन शारीरिकमानसिकस्वास्थ्यस्य लाभं प्राप्तवन्तः। मादकद्रव्यसेवनस्य आदतेः पीडितानाम् अपि आहारस्य दैनिकव्यवहारस्य च सुधारेण स्वस्थजीवनं यापयितुं कौशलं शिक्ष्यते।

तेन उक्तं यत् केवलम् औरैयाजनपदात् न, अपितु समीपस्थेभ्यः अन्यजनपदेभ्यः अपि स्वस्थाः अस्वस्थाश्च जनाः योगस्वास्थ्यकेन्द्रस्य गतिविधिषु सम्मिलिताः भूत्वा लाभं प्राप्नुवन्ति। नियमितयोगाभ्यासः, सन्तुलिताहारः, अनुशासिता दिनचर्या च स्वस्थजीवनस्य आधाररूपेण प्रतिपादिताः।

---------------

Hindusthan Samachar / Dheeraj Maithani