हल्द्वानी , 20 अगस्तमासः (हि.स.)।

उत्तराखण्डराज्यस्तरीयराष्ट्रियग्रामीणस्वास्थ्यानुशासनपरिषदः उपाध्यक्षः सुरेशभट्टः कांग्रेसकार्यसमितेः वन्देमातरम् इत्यस्य केवलं द्वयोः छन्दसोः गानस्य निर्णयं प्रति तीव्रं प्रतिक्रियां प्रकटितवान्। तेन एतत् तुष्टीकरणराजनीतेः राष्ट्रविरोधिचिन्तनस्य च प्रमाणमिति कथितम्।

सुरेशभट्टः अवदत् यत् १९३७ तमे वर्षे कांग्रेसदलेन मुस्लिमतुष्टीकरणस्य कारणेन वन्देमातरम् इत्यस्य केवलं द्वयोः छन्दसोः गानस्य निर्णयः कृतः आसीत्, अद्य कांग्रेसदलं पुनः तमेव निर्णयं पुनरावर्तयति। सः अवदत् यत् वन्देमातरम् इत्यस्य पञ्चाशदधिकशततमवर्षे सम्पूर्णस्य गीतस्य गानेन राष्ट्रियैकतां सुदृढां कर्तुं प्रयासः क्रियते, परन्तु कांग्रेसदलस्य निर्णयः अस्य प्रयासस्य विरोधरूपः अस्ति।

भट्टः आरोपितवान् यत् मतपेठीराजनीतेः कृते कांग्रेसदलेन बङ्किमचन्द्रचट्टोपाध्यायस्य अमरकृतेः तथा वन्देमातरम् इति घोषं कुर्वद्भिः बलिदानं कृतवद्भिः स्वातन्त्र्यसेनानीभिः च अपमानः कृतः। सः अवदत् यत् राहुलगान्धिनः नेतृत्वे कांग्रेसदलम् पुनरपि तुष्टीकरणराजनीतिं अग्रे वर्धयति।

Hindusthan Samachar / Dheeraj Maithani