नव दिल्ली, 20 अगस्तमासः (हि.स.)।

भारतीयजनतापक्षस्य राष्ट्रियाध्यक्षः नितिन् नवीनः ‘वन्दे मातरम्’ इति गीतं प्रति काङ्ग्रेसं तीव्रतया लक्ष्यीकृतवान्। सः उक्तवान् यत् काङ्ग्रेसः अधुना स्वस्य अपमानं प्रस्तावस्य रूपं प्रदत्तवती अस्ति। काङ्ग्रेसकार्यसमितिः निर्णयं कृतवती यत् पक्षस्य मञ्चेषु ‘वन्दे मातरम्’ इति गीतस्य केवलौ प्रथमौ श्लोकौ एव गास्येते।

नितिन् नवीनः एक्स इत्यत्र उक्तवान्, “कतिपयदिनानि पूर्वम् एष एव अपमानः एकस्य व्यक्तेः आचरणे दृश्यते स्म, यं काङ्ग्रेसेन संयोगः इति कथयित्वा उपेक्षितम्। किन्तु अधुना स एव अपमानः काङ्ग्रेसस्य आधिकारिकनीतिः अभवत्।”

सः उक्तवान् यत् ‘भारत माता’ इत्यस्याः पावनायाः वन्दनायाः अपमानः तेषामपि सहस्रशः स्वातन्त्र्यसेनानीनां बलिदानिनां च अपमानः अस्ति, ये ‘वन्दे मातरम्’ इत्येतत् स्वकीयां प्रेरणां कृत्वा देशाय सर्वोच्चं बलिदानं दत्तवन्तः। तस्य मतानुसारम् एतत् केवलं राजनीतिकरक्षणं न, अपितु मतपेक्षकाणां राजनीतेः प्रमाणम् अस्ति, यस्य कृते काङ्ग्रेसः पुनः पुनः राष्ट्रस्य स्वाभिमानेन सह सम्झौतां कुर्वती आगता अस्ति। नितिन् नवीनः आरोपितवान् यत् काङ्ग्रेसः अद्य ‘नूतनमुस्लिमलीग्’ इव आचरति तथा तस्याः एषः दृष्टिकोणः राष्ट्रियभावनानां प्रतिकूलः अस्ति।

---------------

Hindusthan Samachar / Dheeraj Maithani