पटना, 20 अगस्तमासः (हि.स.)।

पूर्वप्रधानमन्त्री भारतरत्नस्वर्गीयस्य राजीवगान्धिनः द्व्यशीतितमजन्मजयन्त्याः अवसरे गुरुवासरे प्रदेशकाङ्ग्रेसमुख्यालये सदाकताश्रमे जन्मजयन्तीसमारोहस्य आयोजनम् अभवत्। कार्यक्रमस्य अध्यक्षता बिहारप्रदेशकाङ्ग्रेससमित्याः अध्यक्षेण राजेशरामेण कृता। अस्मिन् अवसरे काङ्ग्रेसकार्यकर्तारः स्वर्गीयस्य राजीवगान्धिनः प्रतिमायां पुष्पाञ्जलिम् अर्पयित्वा तं स्मृतवन्तः।

अस्मिन् अवसरे प्रदेशकाङ्ग्रेसाध्यक्षः राजेशरामः अवदत् यत् स्वर्गीयः राजीवगान्धी आधुनिकभारतस्य निर्माता तथा सञ्चारक्रान्तेः जनकः आसीत्। तेन देशं एकविंशतितमे शताब्दे नेतुं स्वप्नं दृष्टम् तथा विज्ञानस्य, प्रौद्योगिक्याः, सङ्गणकस्य, दूरसञ्चारस्य च क्षेत्रेषु व्यापकपरिवर्तनस्य आधारशिला स्थापिता।

सः अवदत् यत् राजीवगान्धिना युवानः देशस्य शक्तिरूपेण मन्यमानाः तेषां प्रगतये अवसराः प्रदत्ताः। तस्य कार्यकाले देशे प्राविधिकशिक्षायाः, सङ्गणकस्य, सञ्चारस्य च क्षेत्रेषु यत् परिवर्तनं प्रारब्धम्, तेन भारतं आधुनिकं प्राविधिकदृष्ट्या समर्थं च राष्ट्रं निर्मातुं महत्त्वपूर्णा भूमिका निर्व्यूढा।

राजेशरामः अवदत् यत् राजीवगान्धिनः जीवनं देशस्य एकतायै, अखण्डतायै, लोकतन्त्राय विकासाय च समर्पितम् आसीत्। तेन पञ्चायतीराजसंस्थानां सुदृढीकरणाय, युवभ्यः राजनैतिकसहभागितायाः अवसरप्रदानाय तथा देशस्य विकासाय नूतनदिशां प्रदातुं महत्त्वपूर्णानि कार्याणि कृतानि।

सः अवदत् यत् अद्य देशः यस्मिन् अङ्कीयसञ्चारक्रान्तेः युगे अग्रे गच्छति, तस्याः सुदृढा आधारशिला राजीवगान्धिना स्वस्य दूरदर्शिनः नेतृत्वस्य अन्तर्गतं स्थापिता आसीत्। तस्य विचाराः आधुनिकभारतस्य निर्माणस्य च स्वप्नम् अद्यापि काङ्ग्रेसजनान् देशवासिनश्च प्रेरयतः।

जन्मजयन्तीसमारोहे अनुशासनसमित्याः अध्यक्षः कपिलदेवप्रसादयादवः, पूर्वमन्त्री कृपानाथपाठकः, ब्रजेशप्रसादमुनन्, माध्यमविभागस्य अध्यक्षः राजेशराठौडः, विधायकः सुरेन्द्रप्रसादकुशवाहः, पूर्वविधायकः इजहारूलहुसैनः, प्रतिमाकुमारीदासः, ऋषिमिश्रः, पङ्कजयादवः, असितनाथतिवारी, वैद्यनाथशर्मा, डॉ. स्नेहाशीषवर्धनपाण्डेयः, डॉ. कुमारिसोनी, अरविन्दलालरजकः, कमलदेवनारायणशुक्लः, शशिकान्ततिवारी, रञ्जीतकुमारमिश्रः, अनुरागचन्दनः, गोरखनाथः, प्रेमचन्दसिंहः, मृणालअनामयः, डॉ. अमनकुमारः, रञ्जीतकुमारवाल्मीकी, विमलेशतिवारी, सुशान्तशेखरः, डॉ. परवेजः, आरतीरायः, राजनन्दनकुमारः, गुरुदयालसिंहः, नीतूसिंहनिषादः, सत्येन्द्रकुमारसिंहः, राजेन्द्रप्रसादचौधरी, अर्चनाकुमारी, विशाल यादवः, शङ्करस्वरूपः, रूमासिंहः, रविन्द्रसिंहचौहानः, शालीग्रामशर्मा, सुबोधकुमारमण्डलः, मृत्युंजयकुमारसिंहः, सञ्जयकुमारः इत्यादयः अन्ये काङ्ग्रेसकार्यकर्तारश्च उपस्थिताः आसन्।

Hindusthan Samachar / Dheeraj Maithani