भुवनेश्वरम्, 21 अगस्तमासः (हि.स.)

विश्ववरिष्ठनागरिकदिवसस्य अवसरे ओडिशाराज्यस्य मुख्यमन्त्री मोहनचरणमाझी राज्यस्य सर्वेभ्यः वरिष्ठनागरिकेभ्यः वृद्धजनेभ्यश्च हार्दिकशुभकामनाः प्रदत्तवान् तथा च तेषां प्रति सम्मानं व्यक्तवान्। तेन उक्तं यत् वरिष्ठनागरिकाणाम् अनुभवः ज्ञानं च समाजाय निरन्तरं प्रेरणां प्रदातुं तं सुदृढं कर्तुं च महत्त्वपूर्णां भूमिकां निर्वहति।

मुख्यमन्त्री माझी शुक्रवासरे सामाजिकमाध्यमेन प्रकाशिते सन्देशे उक्तवान् यत् ओडिशासर्वकारः वरिष्ठनागरिकाणां गरिमायाः, स्वास्थ्यस्य, कल्याणस्य च सुनिश्चिततायै प्रतिबद्धः अस्ति। तेन सर्वकारस्य विविधाः जनकल्याणकारीयोजनाः उल्लिखिताः। आयुष्मान् वय वन्दना योजना, वरिष्ठनागरिकतीर्थयात्रायोजना, वर्धिता सामाजिकसुरक्षापेन्शनयोजना च वृद्धजनानां हिताय महत्त्वपूर्णानि पदानि इति तेन कथितम्।

मुख्यमन्त्रिणा उक्तं यत् सर्वकारस्य उद्देश्यं संवेदनशीलस्य वरिष्ठनागरिकानुकूलस्य च ओडिशाराज्यस्य निर्माणम् अस्ति, यत्र वृद्धजनाः सदैव सम्मानं, सुरक्षां, आवश्यकं सहयोगं च प्राप्नुयुः। तेन समाजस्य सर्वेभ्यः वर्गेभ्यः वरिष्ठनागरिकाणां प्रति सम्मानस्य संवेदनशीलतायाश्च भावनया सह मिलित्वा कार्यं कर्तुम् आह्वानं कृतम्।

---------------

Hindusthan Samachar / Dheeraj Maithani