नवदिल्ली, २१ अगस्तमासः (हि.स.)। केन्द्रीयस्वास्थ्यमन्त्रिणा परिवारकल्याण-मन्त्रिणा च जे.पी. नड्डा इत्यनेन संसद्मार्गस्थानकस्य बहिः राहुलगान्धिनः प्रदर्शनं प्रति तीव्रः प्रहारः कृतः। तेन उक्तं यत् देशः पुनरेकवारं राहुलगान्धिनः प्रचारं प्राप्तुं च प्रवृत्तां राजनीतिम्” अवलोकयति। तस्य प्रदर्शनं केवलं माध्यमेषु प्रचारं प्राप्तुं कृतम् अस्ति।

जे.पी. नड्डा माध्यमप्रतिनिधिभिः सह वार्तालापस्य समये आरोपितवान् यत् एषा धरना न छात्रहिताय अस्ति, न च न्यायाय, अपि तु काङ्ग्रेसस्य राजनैतिकनिराशायाः राहुलस्य च माध्यमेषु स्वोपस्थितिं स्थापयितुं प्रयासस्य प्रतीकम् अस्ति। तेन उक्तं यत् जुलैमासस्य २० दिनाङ्के घटितायाः घटनायाः संज्ञानं सर्वोच्च-न्यायालयेन पूर्वमेव गृहीतम् अस्ति तथा पूर्वन्यायाधीशस्य अध्यक्षतायां पञ्च-सदस्यीया उच्चस्तरीयसमितिः प्रकरणस्य अन्वेषणं करोति। एवं स्थितौ यदा देशस्य सर्वोच्चन्यायालयः प्रकरणस्य अन्वेषणं करोति, तदा राहुलस्य स्थानकस्य बहिः सञ्चारमाध्यमानां पुरतः धरना दातुं न्यायपालिकायाम् अविश्वासस्य प्रदर्शनम् अस्ति। तेन उक्तं यत् एतत् सम्पूर्णं प्रदर्शनं केवलं प्रचारं प्राप्तुं प्रयत्नः अस्ति।

नड्डेन उक्तं यत् यदि सम्पूर्णस्य घटनाक्रमस्य समयक्रमं पश्यामः, तर्हि स्पष्टं भवति यत् काङ्ग्रेसः अस्मिन् समये वन्देमातरम्-विवादं प्रति देशव्यापिनीम् आलोचनां सम्मुखीकरोति। तेन आरोपितं यत् राष्ट्रियगीतस्य अपमानस्य तथा काङ्ग्रेसस्य एकेन वरिष्ठनेत्रा त्रिवर्णध्वजस्य आकारस्य केक इत्यस्य कर्तनस्य प्रकरणे जनाः उत्तरं याचन्ते।

तेन उक्तं यत् अस्मादेव विवादात् ध्यानं विक्षेप्तुं स्वस्य “राष्ट्रविरोधिच्छविम्” आच्छादयितुं च राहुलः एतत् नूतनं राजनैतिकं नाटकम् अरचयत्। तेन उक्तं यत् काङ्ग्रेसः परजीवीदलम् अस्ति। अधुना काङ्ग्रेसः यूनां विद्यार्थिनां च भविष्यं विनष्टुम् अपि इच्छति। राहुलः अवगन्तव्यं यत् जनाः तस्य “प्रहारं पलायनं च” नीतिं ज्ञातवन्तः सन्ति।

Hindusthan Samachar / Divya Ranjan