नव दिल्ली, 21 अगस्तमासः (हि.स.)।

दिल्लीनगरनिगमस्य राजभाषाविभागेन निगमस्य अधिकारिषु कर्मचारिषु च हिन्दीभाषायाः प्रति रुचिं जागरूकतां च वर्धयितुं तथा कार्यालयीयकार्येषु हिन्दीभाषायाः अधिकाधिकप्रयोगं प्रोत्साहितुं ‘हिन्दीप्रतियोगिता २०२६-२७’ इत्यस्य आयोजनं कृतम्। द्विदिवसीयस्य अस्य आयोजनस्य अन्तर्गतं अगस्तमासस्य २० तथा २१ दिनाङ्कयोः विविधाः हिन्दीप्रतियोगिताः आयोजिताः, यासु निगमस्य अधिकारिभिः कर्मचारिभिश्च उत्साहपूर्वकं सहभागिता कृता।

अस्मिन् अवसरे निबन्धलेखनम्, टिप्पणीलेखनम् आलेखनं च, सुलेखनं तथा हिन्दीभाषाज्ञानप्रतियोगिता इत्यादयः विविधाः प्रतियोगिताः आयोजिताः। एताभिः प्रतियोगिताभिः प्रतिभागिभ्यः हिन्दीभाषायां स्वकीयां सृजनशीलतां लेखनक्षमतां भाषाज्ञानम् अभिव्यक्तिकौशलं च प्रदर्शयितुम् अवसरः प्राप्तः।

प्रतियोगितासु उत्कृष्टं प्रदर्शनं कृतवद्भ्यः प्रतिभागिभ्यः प्रोत्साहनाय प्रथमपुरस्काररूपेण ४००० रूप्यकाणि, द्वितीयपुरस्काररूपेण ३००० रूप्यकाणि, तृतीयपुरस्काररूपेण २००० रूप्यकाणि तथा पञ्च सान्त्वनापुरस्काररूपेण प्रत्येकं १००० रूप्यकाणि प्रदास्यन्ते।

दिल्लीनगरनिगमस्य राजभाषाविभागेन आयोजितायाः अस्याः पहलस्य उद्देश्यम् अस्ति यत् निगमस्य कार्यालयीयकार्येषु हिन्दीभाषायाः सरलस्य सहजस्य प्रभाविणश्च प्रयोगस्य प्रोत्साहनं भवेत् तथा अधिकारिणः कर्मचारीणश्च राजभाषायां हिन्दीभाषायां कार्यं कर्तुं प्रेरिताः भवेयुः। एवंविधाः प्रतियोगिताः कर्मचारिषु हिन्दीभाषायाः प्रति सकारात्मकवातावरणस्य निर्माणेन सह निगमस्य दैनिककार्येषु राजभाषायाः प्रयोगं अधिकं सुदृढं कर्तुं महत्त्वपूर्णां भूमिकां निर्वहन्ति।

अनेन आयोजनेन निगमस्य अधिकारिभ्यः कर्मचारिभ्यश्च एषः सन्देशः प्रदत्तः यत् हिन्दीभाषायां कार्यकरणं केवलं राजभाषानीतेः अनुपालनमात्रं न, अपितु नागरिकैः सह शासकीयसेवानां सूचनानां च अधिकं सहजतया प्रभाविणा च प्रकारेण सम्पर्कस्थापनस्य माध्यममपि अस्ति।

---------------

Hindusthan Samachar / Dheeraj Maithani