Enter your Email Address to subscribe to our newsletters
- मुख्यमंत्रिणा गौशालाभ्यः डीबीटीतः वितरितः 109.79 कोटिरुप्यकाणाम् अनुदान राशिः
भोपालम्, 21 अगस्तमासः (हि.स.)। मध्यप्रदेशस्य मुख्यमन्त्री डॉ. मोहन यादवः शुक्रवासरे टीकमगढे मुख्यमन्त्री जनविश्वासाभियानस्य अन्तर्गतं गोवंशसंरक्षणसंवर्धनाय राज्यसर्वकारेण क्रियमाणानां प्रयत्नानां विषये सूचनां प्रदत्तवान्। सः अवदत् यत् मध्यप्रदेशसर्वकारः गोवंशस्य संरक्षणसंवर्धनयोः समुचितव्यवस्थापनस्य च कृते प्रतिबद्धः अस्ति। प्रदेशे सञ्चालितासु ३२१२ पञ्जीकृतगोशालासु ५.२० लक्षाधिकानां गोवंशानां भरणपोषणाय व्यवस्थापनाय च नियमितरूपेण अनुदानं प्रदीयते।
मुख्यमन्त्री डॉ. यादवः अवदत् यत् गोशालासु विद्यमानस्य गोवंशस्य भरणपोषणाय प्रदीयमानम् अनुदानं वर्धयित्वा प्रतिदिनं प्रतिगोवंशं ४० रूप्यकाणि कृतम् अस्ति। वित्तीयवर्षे २०२६-२७ गोशालाभ्यः अनुदानवितरणाय ६२०.५० कोटिरूप्यकाणां बजटप्रावधानं कृतम् अस्ति। सः अवदत् यत् सर्वकारेण गोशालानां सम्यक्सञ्चालनाय गोवंशस्य समुचितसंरक्षणाय च आवश्यकसंसाधनानां उपलब्धतायै विशेषं ध्यानं दीयते।
मुख्यमन्त्री डॉ. यादवः अवदत् यत् गोशालाभ्यः अनुदानप्रदानव्यवस्थां अधिकं पारदर्शिनीं सुगमां च कर्तुं सिङ्गलक्लिकडीबीटीप्रणाली प्रवर्तिता अस्ति। अस्याः प्रणाल्याः माध्यमेन अनुदानराशिः साक्षात् गोशालानां बैंकखातेषु स्थानान्तरीयते। अनेन भुगतानव्यवस्थायां पारदर्शितया सह समयबद्धता सुशासनं च सुनिश्चितं जातम् अस्ति।
सः अवदत् यत् सर्वकारस्य गठनादारभ्य अद्यावधि प्रदेशे सहस्राधिकानां नवीनगोशालानां सञ्चालनम् आरब्धम् अस्ति, यासु द्विलक्षाधिकानां गोवंशानां सुव्यवस्थितं व्यवस्थापनं क्रियते। मुख्यमन्त्री अवदत् यत् गोवंशसंरक्षणेन सह पशूनां सम्यक्परिचर्या, नस्लसुधारः गोशालानां प्रभावीसञ्चालनं च प्रति निरन्तरं प्रयत्नाः क्रियमाणाः सन्ति।
मुख्यमन्त्री डॉ. यादवः अवदत् यत् मध्यप्रदेशे गोवंशवधे पूर्णप्रतिबन्धः अस्ति तथा च गोवंशस्य अवैधपरिवहनस्य प्रभावीनियन्त्रणाय कानूनीप्रावधानानि अधिकानि कठोराणि कृतानि सन्ति। गोवंशस्य अवैधपरिवहने प्रयुक्तानां वाहनानां राजसातीकरणस्य प्रावधानमपि कृतम् अस्ति। सः अवदत् यत् गोवंशसंरक्षणाय शासनस्य प्रयत्नैः सह समाजस्य सहभागितापि आवश्यकी अस्ति।
सः अवदत् यत् गोवंशस्य प्रति जनजागरूकतां वर्धयितुं प्रतिवर्षं प्रदेशस्य सर्वेषु जनपदेषु स्थितासु गोशालासु गोवर्धनपूजनकार्यक्रमाः आयोज्यन्ते। तेन सह नगरीयक्षेत्रेष्वपि बृहद्गोशालानां सञ्चालनस्य निर्माणस्य च दिशि कार्यं क्रियमाणम् अस्ति।
---------------
Hindusthan Samachar / Dheeraj Maithani