दरभंगा, 21 अगस्तमासः (हि.स.)।

ललितनारायणमिथिलाविश्वविद्यालयस्य विश्वविद्यालयसङ्गीतनाट्यविभागे, ललितकलासङ्कायस्य कामेश्वरनगरे शुक्रवासरे सङ्गीतमर्मज्ञस्य पण्डितविष्णुदिगम्बरपलुस्करस्य तथा ‘भारतरत्न’ उस्तादबिस्मिल्लाहखानस्य पुण्यतिथ्युपलक्ष्ये व्याख्यानस्य आयोजनं कृतम्। मुख्यवक्ता प्रयागराजस्थितस्य इलाहाबादकेन्द्रीयविश्वविद्यालयस्य सङ्गीतविभागाध्यक्षः प्रो. पण्डितप्रेमकुमारमल्लिकः दरभङ्गाघराणस्य प्रतिनिधिः उभयोः महान्सङ्गीतज्ञयोः योगदानं रेखाङ्कितवान्।

सः विद्यार्थिभ्यः सङ्गीतक्षेत्रे निरन्तरं प्रगतये इच्छाशक्तिं साधनां तत्परतां च निरन्तरं धारयितुं आह्वानं कृतवान्। तेन गायनस्य गूढतत्त्वानि सरलरीत्या अपि स्पष्टीकृतानि। पण्डितपलुस्करस्य योगदानस्य विषये सः अवदत् यत् तेन सङ्गीतं गुरुकुलपरम्परायाः बहिः नीत्वा संस्थागतस्वरूपं प्रदातुं महत्त्वपूर्णा भूमिका निर्वहिता।

सहायकप्राध्यापकः डॉ. पुष्करकुमारझा अवदत् यत् पण्डितपलुस्करेण सङ्गीतशिक्षायाः परिमार्जनेन सह स्वरलिपिपद्धतेः तथा बन्दिशेषु भक्तिपरकशब्दावल्याः विशेषं महत्त्वं प्रदत्तम्।

अस्याः पूर्वं अतिथिभिः दीपप्रज्वलनं कृत्वा कार्यक्रमस्य शुभारम्भः कृतः। विदुषां चित्रेषु माल्यार्पणस्य अनन्तरं छात्रच्छात्राभिः कुलगीतस्य प्रस्तुति: कृता।

---------------

Hindusthan Samachar / Dheeraj Maithani