Enter your Email Address to subscribe to our newsletters
देहरादूनम्, 21 अगस्तमासः (हि.स.)। हरिद्वारस्य सिडकुलस्थिते २२०/१३२/३३ केवी उपसंस्थाने ८० एमवीए विद्युत्शक्तिपरिवर्तित्रस्य ट्रिप् भवितुम् अनन्तरं पिटकुल् तथा यूपीसीएल् इत्येताभ्यां विद्युत्प्रदायं सुचारुरूपेण स्थापयितुं आकस्मिकयोजना निर्मिता अस्ति। गुरुवासरे सायं प्रायः ५ वादनात् १० निमेषेभ्यः परिवर्तित्रस्य ट्रिप् भवितुम् सूचना देहरादूनस्थितायै प्रान्तीयभारनिस्तारणकेन्द्राय प्राप्ता, ततः तत्क्षणमेव परीक्षणं परिशीलनकार्यं च प्रारब्धम्।
यूपीसीएल् इत्यस्य शुक्रवासरे प्रकाशितस्य वक्तव्यस्य अनुसारं वर्षाकारणात् परीक्षणकार्ये मध्ये मध्ये बाधा उत्पन्ना। सम्भावितस्थितिं दृष्ट्वा पिटकुल् तथा यूपीसीएल् इत्येतयोः प्रबन्धनिदेशकः पी. सी. ध्यानी रात्रौ १० वादने देहरादूनस्थिते प्रान्तीयभारनिस्तारणकेन्द्रे उभयोः निगमयोः वरिष्ठाधिकारिभिः सह उपवेशनं कृतवान्। हरिद्वारस्य रुड़कीनगरस्य च परिचालनपरीक्षणसम्बद्धाः अधिकारिणः अपि ऑनलाइनमाध्यमेन उपवेशने सम्मिलिताः।
उपवेशने परिवर्तित्रस्य क्षतिग्रस्ततायाः स्थितौ वैकल्पिकविद्युत्पङ्क्तीनां तत्कालीननिर्माणस्य, उपलब्धविद्युत्पङ्क्तीनां श्रेष्ठतया उपयोगस्य तथा क्षेत्रे विद्यमानस्य पारेषणवितरणसम्बन्धिनः आधारभूतसंरचनायाः अधिकतमोपयोगस्य विकल्पानां विषये चर्चा कृता।
आकस्मिकस्थितेः निवारणाय सिडकुल् उपसंस्थाने ४० एमवीए क्षमतायाः अतिरिक्तविद्युत्शक्तिपरिवर्तित्रं प्रापयितुं निर्णयः कृतः। अस्य कृते आवश्यकदलानि सक्रियाणि कर्तुं तथा पारेषणवितरणकार्येभ्यः आवश्यकसामग्रीणाम् उपलब्धतां सुनिश्चितां कर्तुं निर्देशाः प्रदत्ताः।
पी. सी. ध्यानी अधिकारिभ्यः पिटकुल् तथा यूपीसीएल् इत्येतयोः मध्ये उत्तमसमन्वयेन एकस्य दलस्य रूपेण कार्यं कर्तुं निर्देशं दत्तवान्, येन सम्भावितसङ्कटकाले उपभोक्तृभ्यः न्यूनातिन्यूनं कष्टं भवेत्। तेन ८० एमवीए क्षमतायाः नूतनस्य परिवर्तित्रस्य आवश्यकता भवति चेत् तस्य स्थापनायै अपेक्षितं समयं न्यूनतमं कर्तुं उपायानाम् विषये अपि चर्चा कृता।
प्रबन्धनिदेशकेन अधिकारिभ्यः कर्मचारिभ्यश्च सुरक्षामानकानां पालनं कुर्वद्भिः सर्वाणि आवश्यककार्याणि शीघ्रं सम्पन्नं कर्तुं निर्देशः प्रदत्तः। सम्भावितसङ्कटस्थितौ उपभोक्तृभ्यः धैर्यं धारयितुं च आह्वानं कृतम्।
----------
Hindusthan Samachar / Dheeraj Maithani