अल्मोड़ा, २१ अगस्तमासः (हि.स.)। सांस्कृतिकनगरी अल्मोड़ा मुख्यमन्त्री-उद्यमशाला-योजनायाः अन्तर्गतम् आयोजिते एमयूवाई-चौपाल्-कार्यक्रमे महिलासशक्तीकरण-बालविकासमन्त्री रेखार्या यूनां मातृशक्तेश्च स्वरोजगारेण उद्यमितया च सह संयोजनस्य विषये बलं दत्तवती।

सा मुख्यमन्त्री-उद्यमशाला-योजनायाः प्रचारवाहनं हरितध्वजं प्रदर्श्य प्रस्थापितवती। अस्य कार्यक्रमस्य संयुक्तरूपेण उद्घाटनं देहरादूने मुख्य-मन्त्रिणा पुष्करसिंहधामिना कृतम् आसीत् तथा अल्मोड़ासहितं प्रदेशस्य सर्वेभ्यः जनपदेभ्यः जनाः आभासीय-माध्यमेन अस्मिन् कार्यक्रमे सम्बद्धाः।

सा उक्तवती यत् एमयूवाई-चौपाल: केवलं प्रशासनिकः कार्यक्रमः नास्ति, अपि तु यूनां महिलानां च स्वाभिमानाय, स्वावलम्बनाय तथा नूतनस्वप्नानां पक्षाान् दातुं सञ्चालितम् अभियानम् अस्ति। अल्मोड़ा-विकासभवनस्य सभागारे कार्यक्रमं सम्बोधयन्ती मन्त्री रेखार्या उक्तवती यत् अल्मोड़ायाः ऐतिहासिकी सांस्कृतिकश्च पहचानः न केवलं प्रदेशे, अपि तु सम्पूर्णे देशे विशिष्टा अस्ति।

सा उक्तवती यत् एमयूवाई-चौपाल-माध्यमेन योजनायाः सूचना, तकनीकी-संसाधनानि उद्यमितासम्बद्धाः सुविधाश्च ग्रामं ग्रामं प्रति प्रापयिष्यन्ते, येन स्थानीयस्तरे युवभ्यः स्वकौशलस्य संसाधनानां च आधारेण व्यवसायस्य प्रारम्भाय अवसराः प्राप्येरन्।

मन्त्री उक्तवती यत् ग्रामस्य महिलाः आर्थिकरूपेण सुदृढाः भविष्यन्ति चेत् परिवारः समाजश्चापि सुदृढः भविष्यति। स्थानीयोत्पादैः हस्तशिल्पैः महिलासमूहैश्च माध्यमेन महिलानाम् आत्मनिर्भराः कर्तुं प्रयासाः क्रियन्ते। सा उक्तवती यत् सर्वकारस्य उद्देश्यम् महिलाः आर्थिक-क्रियाकलापैः संयोज्य ताः स्वावलम्बिनीः कर्तुम् अस्ति।

रेखार्या उक्तवती यत् पर्वतीयप्रदेशस्य युवशक्तिः पर्वतीयप्रदेशस्य जलसंसाधनं च तत्रैव उपयोगी भवेताम्, तदर्थं स्थानीयस्तरे रोजगारस्य उद्यमितायाश्च अवसरानां सृजनम् आवश्यकम् अस्ति। एमयूवाई-चौपाल-माध्यमेन ग्रामीणक्षेत्रेषु उद्यमिभ्यः वित्तीयसाहाय्येन सह विपण्याः उपलब्धं कर्तुं विपणनेन च संयोजयितुं कार्यमपि करिष्यते।

सा जनपदप्रशासनाय योजनायाः प्रभाविप्रवर्तनस्य निर्देशान् दत्त्वा उक्तवती यत् पात्रेभ्यः जनेभ्यः लाभं प्रदातुं कस्मिन्नपि प्रकारेण शिथिलता न भवेत्। कागदीयाः औपचारिकताः सरलीकृत्य योजनायाः लाभः अन्तिमव्यक्तिपर्यन्तं प्रापयितुं प्रशासनस्य प्राथमिकता भवेत्।

अस्मिन् अवसरे दर्जाधारी गोविन्द-पिलख्वालः, गङ्गाबिष्टः, कुन्दनलटवालः, भाजपाजनपदाध्यक्षः महेशनयालः, महापौरः अजयवर्मा, मुख्यविकासाधिकारी रामजीशरणशर्मा इत्यादयः उपस्थिताः आसन्।

Hindusthan Samachar / Divya Ranjan