नवदिल्ली, 22 अगस्तमासः (हि.स.)।

दिल्लीस्थिते कांस्टीट्यूशन-क्लब-ऑफ-इण्डियायां शनिवासरे साहित्यिके सांस्कृतिके च समारोहे द्वयोः पुस्तकयोः लोकार्पणं कृतम्। एतयोः महत्त्वपूर्णयोः पुस्तकयोः “डिफेन्डर्स ऑफ अखण्ड भारत्” इति पुस्तकं डॉ. अशोक उपाध्यायेन डॉ. शोभा उपाध्यायया च लिखितम् अस्ति तथा “सिक्स्टीन संस्कार ऑफ सनातन धर्म” इति पुस्तकं डॉ. शोभा उपाध्यायया लिखितम् अस्ति। एतयोः पुस्तकयोः मुख्योद्देश्यं युवापीढ्यै भारतस्य सभ्यतागतां विरासतं बोधयितुं, तस्याः सम्मानं कर्तुं, तां च अग्रे वर्धयितुं प्रेरणां प्रदातुम् अस्ति।

संयुक्तसम्बोधने लेखकाभ्यां विशेषतः प्रतिपादितं यत् भारतस्य महानता केवलं तस्य सैन्यशक्तौ निहिता नास्ति, अपितु तस्य सांस्कृतिकेषु मूल्येषु सभ्यतागतायां निरन्तरतायां च अपि निहिता अस्ति। एतयोः पुस्तकयोः सन्देशं वर्तमानकाले अत्यन्तं प्रासङ्गिकं वर्णयन्तः मुख्यवक्तारः अवदन्— “शस्त्राणि राष्ट्रस्य सीमाः रक्षन्ति, संस्काराः तु तस्य आत्मानं रक्षन्ति।”

एतयोः पुस्तकयोः एतदपि विश्लेषितम् अस्ति यत् राजनैतिकान्दोलनानाम् अनेकानां ऐतिहासिकपरिवर्तनानां च अभावेऽपि भारतीयसभ्यता पञ्चसहस्रवर्षेभ्यः अधिककालात् कथं कस्माच्च निरन्तरं स्थिता अस्ति।

अस्य समारोहस्य अध्यक्षता इन्दिरागान्धीराष्ट्रीयकलाकेन्द्रस्य अध्यक्षेण ‘पद्मभूषण’ रामबहादुरराय-महोदयेन कृता। अस्मिन् समारोहे मुख्यातिथिरूपेण केन्द्रीयवस्त्रोद्योगमन्त्री गिरिराजसिंहः, मुख्यवक्तृरूपेण राज्यसभायाः सदस्यः भारतीयजनतापक्षस्य राष्ट्रियप्रवक्ता च डॉ. सुधांशुत्रिवेदी, कुशाभाऊठाकरेविश्वविद्यालयस्य कुलपतिः प्रो. बलदेवभाईशर्मा, भारतीयजनतापक्षस्य वरिष्ठनेता पूर्वराष्ट्रिय उपाध्यक्षश्च श्यामजाजू, प्रभातप्रकाशनस्य प्रबन्धनिदेशकः प्रभातकुमारश्च उपस्थिताः आसन्।

---------------

Hindusthan Samachar / Dheeraj Maithani