रायपुरम्, 22 अगस्तमासः (हि.स.)।

उपमुख्यमन्त्री अरुणसावः अद्य शनिवासरे पावने श्रावणमासे महासमुन्दस्य विशालमेगामार्ट्-परिसरे एकमासपर्यन्तम् आयोजिते महारुद्राभिषेकस्य हवनपूजनस्य च कार्यक्रमे सम्मिलितः। तेन विधिविधानपूर्वकं वैदिकमन्त्राणां घोषेण च भगवान् शिवस्य रुद्राभिषेकं कृत्वा हवनपूजनं सम्पादितम्।

उपमुख्यमन्त्री सावः भगवान् शिवस्य पूजाम् अभिषेकं च कृत्वा प्रदेशवासिनां सुखस्य, शान्तेः, समृद्धेः, उत्तमस्वास्थ्यस्य, सुखसमृद्धेश्च मङ्गलकामनां कृतवान्। तेन भगवान् शिवं प्रति प्रदेशे निरन्तरविकासस्य जनकल्याणस्य च प्रार्थना कृता। कार्यक्रमे महासमुन्दस्य विधायकः योगेश्वरराजूसिन्हः परिवारजनैः सह, पूर्वराज्यमन्त्री पूनमचन्द्राकरः, पूर्वसांसदः चुन्नीलालसाहुः, पूर्वविधायकः डॉ. विमलचोपडा, येतरामसाहुः, नगरपालिकायाः उपाध्यक्षः देवीचन्दराठी च सहिताः अनेके जनप्रतिनिधयः श्रद्धालवश्च बहुसंख्यया उपस्थिताः आसन्।

---------------

Hindusthan Samachar / Dheeraj Maithani