नवदिल्ली, २२ अगस्तमासः (हि.स.)। भारतीयजनतापार्टी इत्यस्य मुख्यालये अद्य सङ्गठनस्य अग्रिमकार्यक्रमाणां च विषये आदिवसं महत्त्वपूर्णानां सभानां क्रमः भविष्यति। भाजपाध्यक्षस्य नितिन-नवीनस्य अध्यक्षतायां तिस्रः महत्त्वपूर्णाः सभाः आयोजयिष्यन्ते। तासु नूतनदलस्य परिचयः, सङ्गठनात्मक-रणनीतिः तथा प्रधानमन्त्रिणः नरेन्द्रमोदिनः सार्वजनिक-जीवनस्य पञ्चविंशतिवर्षपूर्त्यवसरे आयोज्यमानस्य अभियानस्य सज्जतायाः विषये चर्चा भविष्यति।

एतासां सभानां प्रारम्भः नूतन-पदाधिकारिणां परिचयसभया भाजपा-मुख्यालये प्रारब्धः अस्ति। नितिननवीनः स्वस्य नवनियुक्तदलस्य सह प्रथमां परिचयसभां कुर्वन् अस्ति। सभा ‘वन्दे मातरम्’ इति राष्ट्रगीतेन प्रारब्धा।

अस्यां सभायां पञ्चषष्टिः नूतनसदस्यैः सह पूर्वतनपदाधिकारिणः अपि उपस्थिताः सन्ति। सभायां सर्वेभ्यः तेषां दायित्वानां सङ्गठने च तेषां भूमिकायाः विषये सूचना प्रदास्यते। सभायां राष्ट्रियमहासचिवा स्मृतिईरानी, उपाध्यक्षा वसुन्धराराजे, मन्त्री सन्दीपपाठकः तथा कवितापाटीदारः उपस्थिताः अभवन्। एतेभ्यः अतिरिक्तं सौदानसिंहः, तरुणचुगः, सतीशपूनियाः तथा विनोदतावडे च उपस्थिताः सन्ति।

तदनन्तरं प्रधानमन्त्रिणः मोदिनः सार्वजनिकजीवनस्य पञ्चविंशति-वर्षपूर्त्यवसरे आयोज्यमानस्य ‘मोदी २५’ इति अभियानस्य विषये महत्त्वपूर्णा सभा भविष्यति। अस्यां देशव्यापिनां कार्यक्रमाणां रणनीतिः निर्धारयिष्यते। सभायां भाजपाध्यक्षः, विभिन्नराज्यानां मुख्यमन्त्रिणः, केन्द्रीयाः राज्यीयाश्च मन्त्रिणः तथा दलस्य वरिष्ठनेतारः सहभागितां करिष्यन्ति।

तदनन्तरं सायं प्रायः षड्वादने भाजपाध्यक्षः नितिननवीनः प्रदेशाध्यक्षैः, सङ्गठनस्य वरिष्ठनेतृभिः तथा मन्त्रिभिः सह सभा करिष्यति। अस्यां सभायां सङ्गठनात्मक-गतिविधीनाम्, अग्रिमकार्यक्रमाणां तथा विभिन्नराज्येषु दलस्य सज्जतायाः समीक्षा कृत्वा अग्रिमरणनीतेः विषये मन्थनं करिष्यते।

Hindusthan Samachar / Divya Ranjan