पटना, 23 अगस्तमासः (हि.स.)।

पण्डितराजकुमारशुक्लस्य एकपञ्चाशदधिकशततमजन्मजयन्त्याः अवसरे पण्डितराजकुमारशुक्लस्मृतिसंस्थानेन पटनानगरे बिहारविधानपरिषदः एनेक्सीसदने आयोजितस्य जयन्तीसमारोहस्य शुभारम्भः मुख्यमन्त्रिणा सम्राट्चौधरिणा, शिक्षामन्त्रिणा मिथिलेशतिवारिणा, विधानपरिषदः सभापतिना अवधेशनारायणसिंहेन स्मृतिसंस्थायाः अध्यक्षेण राजेशभट्टेन च दीपप्रज्वालनं कृत्वा पण्डितजीवनस्य तैलचित्रस्य पुरतः पुष्पाञ्जलिं समर्प्य च कृतः।

अस्मिन् अवसरे स्वीयसम्बोधने मुख्यमन्त्रिणा उद्घोषितं यत् आगामीवर्षात् पण्डितराजकुमारशुक्लस्य जयन्त्याः आयोजनं सर्वकारस्य पक्षतः करिष्यते।

अतिथीनां स्वागतसत्कारानन्तरं साहित्यस्य क्षेत्रे, विशेषतः चम्पारणसत्याग्रहाधारितनाटकानां लेखनार्थं, चम्पारणस्य ख्यातिलब्धः साहित्यकारः नाटककारश्च डाॅ. दिवाकररायः पण्डितराजकुमारशुक्लसाहित्यशिखरसम्मानेन २०२६ इत्यस्मिन् वर्षे सम्मानितः। एतदतिरिक्तं त्रयः अन्ये व्यक्तित्वाः अपि सम्मानिताः। कलाक्षेत्रे प्रसिद्धगायिका कल्पनापटवारी, पत्रकारिताक्षेत्रे पुष्यमित्रः तथा सामाजिककार्येषु गोपालकृष्णमोदी च शिखरसम्मानेन सम्मानिताः।

डाॅ. दिवाकररायेण साहित्यलेखनक्षेत्रे स्वकीयां राष्ट्रियपरिचितिं स्थापितवती अस्ति। अधुना यावत् तस्य नव पुस्तकानि प्रकाशितानि सन्ति, येषु सप्त नाटकानि सन्ति। तस्य नाटकेषु भारतस्य अस्मिता, स्वाभिमानः, स्वातन्त्र्यान्दोलनस्य विविधाः प्रसङ्गाश्च अत्यन्तं प्रभावपूर्णरीत्या प्रस्तुताः सन्ति।

अद्यतनसमये एव पण्डितजीवनस्य पुण्यतिथेः अवसरे बेतियानगरे चम्पारणसत्याग्रहस्य स्थानीयवीरस्य पण्डितराजकुमारशुक्लस्य जीवनसङ्घर्षेषु आधारितस्य तस्य प्रसिद्धनाटकस्य ‘नीलनायक’ इत्यस्य लोकार्पणम् अभवत्। एतदतिरिक्तं पण्डितराजकुमारशुक्लमधिकृत्य तेन लिखिते ‘नीलीआग’ तथा ‘ऊ अकेला मर्द रह’ इति द्वे नाटके अपि अनेकासु रङ्गपीठिकासु पुरस्कृते स्तः।

डाॅ. रायः स्वस्य एकाङ्किनाटिकालेखनस्य कृते विश्वहिन्दीसचिवालयेन मॉरिशसनगरे आयोजितायां अन्ताराष्ट्रियहिन्दीएकाङ्किलेखनप्रतियोगितायां द्वितीयपुरस्कारेणापि सम्मानितः अस्ति। एतदतिरिक्तं विभिन्नैः संस्थानैः तस्य प्रायः षड्पुरस्काराः प्रदत्ताः सन्ति।

Hindusthan Samachar / Dheeraj Maithani