Enter your Email Address to subscribe to our newsletters
– सहभागिराष्ट्राणां मध्ये संयुक्तरूपेण प्रभावीरूपेण कार्यं कर्तुं क्षमतायाः संवर्धनम्
नवदेहली, २३ अगस्तमासः (हि.स.)। भारतीयवायुसेनया द्वयोः महत्त्वपूर्णयोः अन्तर्राष्ट्रीयवायुसैन्याभ्यासयोः सहभागिता पूर्णा कृता। ऑस्ट्रेलियादेशे आयोजिते ‘पिच ब्लैक’ तथा मलेशियादेशे आयोजिते ‘उदारा शक्ति’ अभ्यासयोः वायुसेनया परिचालनक्षमता, उन्नतसामरिकसमन्वयः तथा हिन्द-प्रशान्तक्षेत्रे रणनीतिकरक्षासहभागितानां सुदृढीकरणस्य प्रतिबद्धता पुनः प्रतिपादिता।
रॉयल ऑस्ट्रेलियाई वायुसेनायाः (आरएएएफ) आतिथ्ये आयोजितस्य ‘पिच ब्लैक’ अभ्यासस्य समये भारतीयवायुसेनया २० अधिकैः राष्ट्राणां वायुसेनाभिः सह संचालनाय स्वस्य अग्रिमपङ्क्तिस्थ राफेल युद्धविमानानि नियोजितानि। उच्चजोखिमयुक्ते बहुक्षेत्रीय परिचालनपरिवेशे जटिलानां लार्ज फोर्स एम्प्लॉयमेंट (एलएफई) अभियानानां निष्पादनं कुर्वन् अयं अभ्यासः सहभागिराष्ट्राणां मध्ये उत्तमसमन्वयं, अनुभवानां आदान-प्रदानद्वारा शिक्षणं तथा संयुक्तरूपेण प्रभावीरूपेण कार्यं कर्तुं क्षमतायाः संवर्धनं च अकरोत्।
भारतीयवायुसेनायाः दलम् ऑस्ट्रेलियादेशे अभियानं पूर्णं कृत्वा प्रत्यक्षतया ‘उदारा शक्ति’ अभ्यासाय मलेशियादेशस्य सुबांग नगरं प्राप्तम्। भारतस्य वायुवीराः रॉयल मलेशियाई वायुसेनया (आरएमएएफ) सह मिलित्वा सुखोई-३० एमकेआई तथा एफ/ए-१८ हॉर्नेट विमानैः सह तथा तेषां विरुद्धं उच्चतीव्रतायुक्तेषु वायुसंग्राम-अभियानेषु एवं संयुक्तसामरिकयुद्धाभ्यासेषु भागं गृहीतवन्तः। अस्य द्विपक्षीयाभ्यासस्य मुख्योद्देश्यं वायुसंग्रामस्य रणनीतीनां उन्नयनम्, विषयविशेषज्ञानां मध्ये अनुभवानाम् आदान-प्रदानम् तथा संयुक्तपरिचालनक्षमतायाः अधिकप्रभावीकरणम् आसीत्।
उभयोः अभ्यासयोः समये संयुक्तगतिविधयः केवलं विमानचालककक्षपर्यन्तं सीमिताः न अभवन्, अपितु अनुरक्षणप्रक्रियासु, अभियानयोजनासम्बद्धसूचनानाम् आदान-प्रदाने तथा सांस्कृतिकसम्पर्केषु अपि विस्तारिताः अभवन्। एतेन उभयोः देशयोः विभिन्नपदक्रमेषु स्थितानां सैन्यकर्मिणां मध्ये व्यावसायिकसम्बन्धाः, पारस्परिकभ्रातृत्वभावना च अधिकं सुदृढा अभवत्।
भारतीयवायुसेना वैश्विकरक्षासमुदायेन सह निरन्तरं संयुक्तप्रशिक्षणगतिविधीनां माध्यमेन क्षेत्रीयस्थिरतायाः सुदृढीकरणाय, पारस्परिकसमन्वयस्य संवर्धनाय तथा सामूहिकसुरक्षासम्बद्धानां पहलानां प्रगतये प्रतिबद्धा अस्ति।
–––––––––––––––––––––
Hindusthan Samachar / Dheeraj Maithani