कानपुरम्, 23 अगस्तमासः (हि.स.)।गतत्रिंशद्वर्षेभ्यः रीजेंसी उत्तरप्रदेशे, विशेषतः कानपुरनगरे, जनानां कृते उत्तमस्वास्थ्यसेवानां उपलब्धतां सुनिश्चितं कर्तुं निरन्तरं कार्यं करोति। अधुना नूतना सुविधा अत्याधुनिकप्रौद्योगिक्या, आधुनिकभौतिकसंरचनया विशेषज्ञचिकित्सासेवाभिश्च सह कानपुरस्य स्वास्थ्यसेवानां नूतनां दिशं प्रदास्यति। एतानि वचनानि रीजेंसी हेल्थ इत्यस्य अध्यक्षः प्रबन्धनिदेशकश्च डॉ. अतुलकपूरः उक्तवान्।

रीजेंसी हेल्थ इत्यनेन सर्वोदय नगरस्थे स्वकीये स्वास्थ्यपरिसरे ४७५ शय्यायुक्ता नूतना अत्याधुनिकचिकित्सासुविधा प्रारब्धा अस्ति। अनेन परिसरस्य कुलक्षमता ७७५ शय्यापर्यन्तं वर्धिता अस्ति। अपरत्र उत्तरप्रदेशस्य प्रमुखेषु नगरेषु सञ्चालितानां रीजेंसी हेल्थ इत्यस्य नवकेन्द्राणां संयुक्तक्षमता १४०० शय्याभ्यः अधिका अभवत्।

प्रायः चतुर्-लक्षवर्गफुट् क्षेत्रफले विकसितां नूतनसुविधां विद्यमानपरिसरस्य विस्ताररूपेण निर्मितवती अस्ति। त्रिषु स्तम्भेषु विस्तीर्णः सम्पूर्णः एकीकृतस्वास्थ्यपरिसरः प्रायः अष्टलक्षवर्गफुट् क्षेत्रफले अस्ति। रीजेंसी हेल्थ इत्यस्य अध्यक्षः प्रबन्धनिदेशकश्च डॉ. अतुलकपूरः, निदेशिका डॉ. रश्मिकपूरः मुख्यकार्यकारी अधिकारी अभिषेककपूरश्च नेतृत्वसमूहेन सह नूतनसुविधायाः शुभारम्भस्य घोषणां कृतवन्तः।

मुख्यकार्यकारी अधिकारी अभिषेककपूरः सूचितवान् यत् नूतनसुविधायां जटिलविशेषज्ञचिकित्सायै अत्याधुनिकचिकित्साप्रौद्योगिकी उपलब्धा कारिता अस्ति। अस्मिन् दा विञ्ची एक्स् रोबोटिकशल्यचिकित्साप्रणाली, तन्त्रिकान्तःक्षेपणाय उन्नत डीएसए प्रयोगशाला, लिनैक हेल्सियन विकिरणचिकित्सा, गामाकैमरा त्रिटेस्ला एमआरआई इत्यादयः सुविधाः सन्ति। तदतिरिक्तं मॉड्यूलरशल्यचिकित्साकक्षाणां क्रिटिकल् केयर इति अतिगम्भीररोगिचिकित्साक्षमतायाश्च विस्तारः कृतः अस्ति।

विस्तारस्य अनन्तरं परिसरे अष्टादश उन्नतमॉड्यूलरशल्यचिकित्साकक्षाणि द्विशताधिकाः अतिगम्भीररोगिचिकित्साशय्याः च भविष्यन्ति। अत्र हृदयविज्ञानम्, कर्करोगचिकित्सा, तन्त्रिकाविज्ञानम्, वृक्कविज्ञानम्, पाचनतन्त्रविज्ञानम् अतिगम्भीररोगिचिकित्सा च इत्यादीनां त्रयस्त्रिंशदधिकानां चिकित्साविशेषज्ञताक्षेत्राणां द्विशताधिकाः विशेषज्ञाः सेवां प्रदास्यन्ति।

रीजेंसी हेल्थकेयरसमूहस्य निदेशिका डॉ. रश्मिकपूरः उक्तवती यत् नूतनसुविधायाः निर्माणसमये रोगिभिः सह तेषां परिजनानां आवश्यकताः अपि ध्याने स्थापिताः। चिकित्सालये रोगिभ्यः परिचारकेभ्यश्च पृथक् उपवेशनव्यवस्था, परिवाराणां कृते शतशय्यायुक्ता रात्रिनिवाससुविधा अन्याः आवश्यकसुविधाश्च विकसिताः सन्ति।

चिकित्सालये पञ्चशय्यायुक्ताः वार्डाः, स्वचालितरोगिकक्षाः, प्राथमिकताबाह्यरोगिविभागः विशेषताबाह्यरोगिविभागश्च भविष्यन्ति। रीजेंसी माइकेयर इति अनुप्रयोगस्य माध्यमेन रोगिणः समयनिर्धारणं कर्तुं शक्नुवन्ति तथा च स्वकीयाः चिकित्साप्रतिवेदनानि अन्तर्जाले द्रष्टुं शक्नुवन्ति।

अतिगम्भीररोगिचिकित्साव्यवस्थायां एकलशय्यायुक्तः अतिगम्भीररोगिचिकित्साकक्षः षड्शय्यायुक्तविशेषातिगम्भीररोगिचिकित्साएककानि च अन्तर्भवन्ति। रोगिणां परिजनानां चिकित्सालयकर्मचारिणां च सुविधायै त्रिशताधिकवाहनानां पार्कीकरणव्यवस्था शतासनयुक्तं सभागृहं च निर्मितम् अस्ति।

नूतनसुविधायाः प्रारम्भेन कानपुरनगरस्य सह समीपस्थेषु जनपदेषु ग्रामीणक्षेत्रेषु च निवसतां रोगिणां कृते अतिविशिष्टचिकित्सासेवाः तृतीयस्तरीयचिकित्सासेवाश्च स्थानीयस्तरे उपलब्धाः भविष्यन्तीति अपेक्षा अस्ति। रीजेंसी हेल्थ इत्यस्य अस्य विस्तारस्य नगरस्य उन्नतचिकित्सासुविधानां स्वास्थ्यसेवायाः च आधारभूतसंरचनायाः विस्तारस्य दिशि महत्त्वपूर्णं पदक्षेपम् इति मन्यते।

Hindusthan Samachar / Dheeraj Maithani