नवटिहरी, २३ अगस्तमासः (हि.स.)। नवटिहर्यां वैद्यकीयमहाविद्यालयस्य निर्माणं प्रति गठिता संयुक्तसंघर्षसमितिः सोमवासरे (अद्य) अस्मिन् विषये मुख्यमन्त्रिणा पुष्करसिंहधामिना सह मेलनं करिष्यति। वार्तायै भाजपाजन-पदाध्यक्षः उदयरावतः क्षेत्रीयविधायकः किशोरउपाध्यायश्च मध्यस्थतां कृतवन्तौ।

रविवासरे बौराडी इत्यत्र आयोजिते पत्रकारसम्मेलने समितेः संयोजकः डॉ. राकेशभूषणगोदियालः, वरिष्ठपत्रकारः महीपालनेगी, पालिकाध्यक्षः मोहन-सिंहरावतश्च अवदन् यत् मुख्यमन्त्रिणा घोषितासु योजनासु अन्तर्भूतः अयं प्रकल्पः टिहरीजनपदाय महत्त्वपूर्णः अस्ति। अस्य निर्माणं प्रति जुलैमासस्य ३१ दिनाङ्के अगस्तमासस्य १६ दिनाङ्के च द्वे बृहत्यौ जनसभायात्रे आयोजिते, आन्दोलनं च प्रचलति। शासनस्तरेऽपि अस्य विषये प्रयासाः प्रचलन्ति इति ते उक्तवन्तः।

मुख्यमन्त्रिणा धामिना जनभावनानुरूपम् अत्र वैद्यकीयमहाविद्यालयं निर्मापयि-ष्यतीति अपेक्षा अस्ति। प्रायः १४ जनानां शिष्टमण्डलं मुख्यमन्त्रिणा सह मिलिष्यति। तैः आग्रहः कृतः यत् बैठके स्वास्थ्य-मन्त्री, स्वास्थ्यसचिवः, चिकित्सा-शिक्षासचिवः टीएचडीसी-संस्थायाः प्रतिनिधिश्च अपि उपस्थिताः भवेयुः, येन सर्वाः वस्तुस्थितयः स्पष्टाः भवेयुः। यदा सर्वकारेण निर्माणाभिकरणं निश्चितम् अस्ति, तदा कापि समस्या न भवेत् इति समित्या उक्तम्।

समितिः जनपदचिकित्सालयं आधार-चिकित्सालयरूपेण विकसितुं, सीसीयू-केन्द्रस्य स्थापनां तथा अन्यासु मागेषु च मुखररूपेण वार्तां करिष्यति। इतः परं गणेशचतुष्पथे उक्तमागं प्रति प्रचलितस्य आन्दोलनस्य अन्तर्गतं बार-असोसिएशन इत्यस्य अध्यक्षः जयवीररावतः, शान्तिप्रसादभट्टः, खेमराजसेमवालः, मुकेशकुमाईं, लक्ष्मीबडोनी च क्रमिकानशनम् आचरन्तः स्थिराः आसन्।

Hindusthan Samachar / Divya Ranjan