सीवान, २३ अगस्तमासः (हि.स.)। पारपत्रं निर्मातुं पाटलिपुत्रं गच्छतां जनपदवासिनां नागरिकाणां कृते अधुना सौविध्यं भविष्यति। क्षेत्रीयपारपत्रकार्यालयस्य पाटलिपुत्रस्य सीवानजनपदप्रशासनस्य च संयुक्ततत्त्वावधानेन रविवासरात् सीवान-सदर-प्रखण्डकार्यालयपरिसरे त्रिदिवसीयं चलत्पारपत्रशिविरं प्रारब्धम्।

अगस्तमासस्य २३, २४, २५ दिनाङ्कपर्यन्तं चलिष्यत् अस्य विशेषशिविरस्य उद्घाटनं जनपदाधिकारिणा विजयप्रकाशमीणेन कृतम्। चलत्पारपत्रयानं त्रीणि अपि दिनानि सदरप्रखण्डकार्यालयपरिसरे स्थास्यति, यत्र पूर्वमेव स्थानं आरक्षितवतां आवेदकानां तथ्यानां भौतिकसत्यापनं करिष्यते।

शिविरस्य अन्तर्गतं प्रतिदिनं ५५ आवेदकानां तथ्यसत्यापनस्य लक्ष्यं निर्धारितम् अस्ति। एवं त्रिषु दिनेषु १६५ अतिरिक्तस्थानानि उपलब्धानि कृतानि सन्ति। अतिरिक्तस्थानानां उपलब्धतया पारपत्रनिर्माणार्थं दीर्घकालात् प्रतीक्षां कुर्वतां आवेदकानां महती शिथिलता भविष्यतीति अपेक्षा अस्ति।

अद्यावधि जनपदवासिनः डाकघरे स्थिते पारपत्रसेवाकेन्द्रे निर्भराः आसन्। सीमितस्थानानां कारणेन बहवः आवेदकाः दीर्घकालं प्रतीक्षां कर्तुं बाध्यन्ते स्म। चलच्छिविरस्य माध्यमेन स्थानीयस्तरे एव दस्तावेजसत्यापनस्य सुविधा उपलब्धा भविष्यति, येन जनानां क्षेत्रीयपार-पत्रकार्यालयं पाटलिपुत्रं प्रति पुनः पुनः गमनात् अपि शिथिलता भविष्यति।

अनेन आवेदकानां समयस्य साधनानां च उभयोः बचतिः भविष्यति। जनपदाधिकारी विजयप्रकाशमीणः अवदत् यत् प्रशासनं प्रवासीजनैः सह मिलित्वा सीवानजनपदे विकासस्य विपुलसम्भावनानां मूर्तरूपं दातुं तत्परम् अस्ति। सः अवदत् यत् रोजगारस्य, शिक्षायाः अन्येषां च कारणानां विदेशं गच्छतां जनपदस्य यूनां कृते पारपत्रसेवां सुगमां कर्तुं महत्त्वपूर्णम् अस्ति।

प्रशासनेन अगस्तमासस्य २३, २४, २५ दिनाङ्कानां कृते स्थानं आरक्षितवद्भ्यः सर्वेभ्यः आवेदकेभ्यः निर्धारिते दिवसे निर्धारितसमये च सदरप्रखण्ड-कार्यालयपरिसरे स्थितायां चलत्पारपत्र-वाहिन्यां उपस्थितुं आग्रहः कृतः।

आवेदकैः स्वकीयाः सर्वे मूलतथ्यानि सार्धम् आनेतव्यानि भविष्यन्ति। जनपद-प्रशासनेन स्थानीयनागरिकैश्च अस्य उपक्रमस्य प्रशंसा कृता तथा भविष्येऽपि एतादृशानि चलत्पारपत्रशिविराणि आयोजितानि भवेयुरिति अपेक्षा प्रकटिता।

Hindusthan Samachar / Divya Ranjan