Enter your Email Address to subscribe to our newsletters
कानपुर-बुंदेलखंड क्षेत्रस्य प्रभारिणि जाते सति प्रथमभ्रमणं, कार्यकर्तृषु उत्साहः
औरैया, 23 अगस्तमासः (हि.स.)।
उत्तरप्रदेशस्य औरैयाजनपदे भारतीयजनतापक्षस्य प्रदेशसमितिः घोषितायां प्रदेशमहामन्त्री शङ्करलोधी कानपुरबुन्देलखण्डक्षेत्रस्य प्रभारी नियुक्तः अस्ति। क्षेत्रीयप्रभारित्वस्य दायित्वं प्राप्त्यानन्तरं शङ्करलोधी प्रथमवारं पञ्चविंशतितमे अगस्तमासे औरैयाजनपदं गमिष्यति। तस्य जनपदागमनं प्रति भारतीयजनतापक्षस्य कार्यकर्तारः सज्जताम् आरब्धवन्तः।
तुर्कीपुरस्थिते भारतीयजनतापक्षस्य जिलाकार्यालये रविवासरे आयोजितायां सभायां जिलाध्यक्षः डाॅ. सर्वेश कठेरिया पदाधिकारिभिः कार्यकर्तृभिश्च सह प्रदेशमहामन्त्रिणः स्वागतकार्यक्रमस्य सज्जतायाः समीक्षां कृतवान्। तेन कथितं यत् अगस्तमासस्य पञ्चविंशतितमे दिने मङ्गलवासरे अपराह्णे द्विवादनत्रिंशन्मिनिटसमये अनन्तराम् टोलप्लाजास्थले प्रदेशमहामन्त्रिणः शङ्करलोधिनः भव्यं स्वागतं अभिनन्दनं च करिष्यते। ततः प्रायः त्रिवादनसमये मण्डीसमित्याः द्वारेऽपि कार्यकर्तृभिः तस्य स्वागतं करिष्यते।
जिलाध्यक्षेन कथितं यत् स्वागतकार्यक्रमानन्तरं प्रदेशमहामन्त्री प्रत्यक्षतया भारतीयजनतापक्षस्य जिलाकार्यालयं गमिष्यति। तत्र सः पक्षस्य पदाधिकारिभिः कार्यकर्तृभिश्च सह कार्यकर्तृपरिचयसङ्गोष्ठीं करिष्यति। तदनन्तरं कोरसमित्याः सदस्यैः सह महत्त्वपूर्णा सभा अपि प्रस्ताविता अस्ति। सभायां सङ्गठनस्य सुदृढीकरणं, आगामीकार्यक्रमाः, क्षेत्रे पक्षस्य गतिविधयश्च इत्येतान् विषयान् प्रति चर्चा सम्भाव्यते।
जिलाध्यक्षः सर्वेश कठेरिया सर्वेभ्यः जिलापदाधिकारिभ्यः, मण्डलपदाधिकारिभ्यः कार्यकर्तृभ्यश्च आह्वानं कृतवान् यत् ते निर्धारितसमये कार्यक्रमस्थले समागत्य प्रदेशमहामन्त्रिणः भव्यं स्वागतं कुर्वन्तु। तेन कथितं यत् प्रदेशमहामन्त्रिणः प्रथमजनपदागमनं स्मरणीयं कर्तुं कार्यकर्तृषु विशेषः उत्साहः वर्तते।
सभायां जिलामहामन्त्री यशवीर सिकरवारः, जिलामीडियाप्रभारी भूरे चौबे, युवाजिलाध्यक्षः मोनू सेंगरः, सामाजिकमाध्यमसंयोजकः सौरभ राजपूतः, अनिल कठेरिया, अमन गुप्ता, आशीष कठेरिया, जगमोहन सिंह चौहानः, देवेन्द्र सेंगरः इत्यादयः भारतीयजनतापक्षस्य प्रमुखाः पदाधिकारिणः उपस्थिताः आसन्।---------------
Hindusthan Samachar / Dheeraj Maithani