पश्चिम बर्दवानम्, 24 अगस्तमासः (हि. स.)।

आसनसोलदुर्गापुरपुलिसआयुक्तालयेन महिलानां सुरक्षां सुदृढां कर्तुं तथा आगामीपर्वणां समये विधिव्यवस्थां संरक्षितुं सोमवासरे ‘दुर्गासुरक्षादलस्य’ शुभारम्भः कृतः। आसनसोलदक्षिणस्य विधायकया तथा नगरनगरीयविकासमन्त्रिण्या अग्निमित्रा पालमहोदयया आसनसोलस्य ऐतिहासिके शरत्मञ्चे आयोजिते विशेषकार्यक्रमे हरितध्वजं प्रदर्श्य विशेषदलस्य प्रस्थानं कारितम्। कार्यक्रमे नगरनगरीयविकासमन्त्री अग्निमित्रा पाल, आसनसोलदुर्गापुरपुलिसआयुक्तालयस्य पुलिसायुक्तः डॉ. प्रणवकुमारः, पश्चिमबर्द्धमानस्य जिलाधिकारी एस् पोन्नमबलम्, आसनसोलनगरनिगमस्य आयुक्तः दिलीपमिश्रः इत्यादयः पुलिसप्रशासनयोः बहवः वरिष्ठाधिकारिणः उपस्थिताः आसन्।

पुलिससूत्राणां अनुसारं दुर्गापूजाम् अधिकृत्य आगामीपर्वणां समये विपणिषु, शॉपिङ्गमॉलस्थलेषु, पूजामण्डपेषु तथा सार्वजनिकस्थलेषु वर्धमानां जनसमर्द्धतां दृष्ट्वा विशेषदलस्य गठनं कृतम् अस्ति। अस्य प्रमुखं प्रयोजनं महिलानां सुरक्षा, महिलाभ्यः विरुद्धं दुर्व्यवहारस्य घटनानां निवारणं तथा आपत्कालीनस्थितौ त्वरितकार्यवाहीकरणम् अस्ति।

पुलिससूत्राणां अनुसारं ‘दुर्गासुरक्षादलस्य’ जवानाः आधुनिकशस्त्रैः, त्वरितसञ्चारव्यवस्थया तथा गस्तीयानैः सुसज्जिताः भविष्यन्ति। नगरस्य महत्त्वपूर्णेषु चतुष्पथेषु, शॉपिङ्गमॉलस्थलेषु, बसस्थानकेषु तथा पूजामण्डपानां परिसरेषु विशेषनिरीक्षणं क्रियते।

अस्मिन् अवसरे आसनसोलदुर्गापुरपुलिसआयुक्तालयस्य अन्तर्गताः त्रयः पुलिसस्थानकाः उत्तमप्रशासनिककार्याय तथा पुलिसस्थानकपरिसरे स्वच्छतायाः संरक्षणाय सम्मानिताः अपि। अण्डाल, जमुडिया तथा पाण्डवेश्वर पुलिसस्थानकानि उत्कृष्टानि स्वच्छानि च पुलिसस्थानकानि इति चयनितानि। सम्बन्धितस्थानकप्रभारिभ्यः विशेषसम्मानः प्रमाणपत्राणि च प्रदत्तानि।

पुलिसप्रशासनयोः अधिकारिभिः एषा पहलः जनसुरक्षायाः दिशि महत्त्वपूर्णं सोपानम् इति कथितम्। ते अवदन् यत् पर्वणां समये सामान्यजनानां विशेषतः महिलानां सुरक्षां सुनिश्चितं कर्तुं पुलिसस्य निरीक्षणं सक्रियता च वर्धयिष्येते।

---------------

Hindusthan Samachar / Dheeraj Maithani