गुवाहाटी, २४ अगस्तमासः (हि.स.)। असमस्य मुख्यमन्त्री डॉ. हिमन्तविश्वसरमा गत-रात्रौ राष्ट्रराजधान्यां नवदिल्ली इत्यत्र केन्द्रीयगृहमन्त्री अमितशाहेन सह मेलितवान्। सः राज्ये जलौघेन उत्पन्नस्य परिस्थितिविषये तथा प्रचलतां उद्धार-कार्याणां विषये तस्मै सूचनां दत्तवान्।

मुख्यमन्त्री डॉ. सरमणा सामाजिकमाध्यमे फेसबुक् इत्यत्र एकं सन्देशं प्रसार्य उक्तं यत् नवदिल्ली इत्यत्र केन्द्रीयगृहमन्त्रिणा अमितशाहेन सह मिलित्वा असमे जलौघस्थितेः पुनर्वासप्रक्रियायाश्च अद्यतनस्थितेः विषये विस्तरेण सूचितवान्। असमसम्बद्धानां अन्येषां महत्त्वपूर्ण-विषयाणाम् अपि तेन सह चर्चा कृता।

सः उक्तवान् यत् अस्मिन् बाढकालस्य सम्पूर्णे अवधौ अमितशाहः अस्माभिः सह निरन्तरं सम्पर्कं स्थापितवान् तथा परिस्थितेः पूर्णतया निरीक्षणं कृतवान्। अग्रिमकाले जनाः सामान्यजीवनं प्रति प्रत्यागन्तुं शक्नुयुः इति हेतोः भारत-सर्वकारस्य पर्याप्तं समर्थनं सुनिश्चितं कर्तुं सः प्रयत्नशीलः भविष्यति।

तेन सह सम्पन्नस्य प्रत्येकं मेलनस्य इव अस्मिन् संवादेऽपि सः सर्वेषु सूक्ष्मेष्वपि विषयेषु गम्भीरतया ध्यानं दत्तवान्। विशेषतः सुरक्षितस्य स्थिरस्य च असमस्य प्रति तस्य अटूटदायित्वभावना अस्मान् प्रेरितवती। तस्य मूल्यवान् मार्गदर्शनाय सदैव प्राप्यमाणस्य दृढसमर्थनस्य च कृते हृदयतः धन्यवादं ज्ञापयामि।

Hindusthan Samachar / Divya Ranjan