Enter your Email Address to subscribe to our newsletters
पटना, 24 अगस्तमासः (हि.स.)।
भारतसर्वकारस्य पूर्वकेन्द्रीयवित्तमन्त्रिणः भाजपादलस्य वरिष्ठनेतुः स्वर्गीयस्य अरुणजेटलीवर्यस्य पुण्यतिथेः अवसरे अद्य कंकडबागस्थिते अरुणजेटलीउद्याने श्रद्धाञ्जलिकार्यक्रमस्य आयोजनं कृतम्। अस्मिन् अवसरे बिहारस्य पूर्वमन्त्रिणा मंगलपाण्डेयेन तथा विधायकः सञ्जयगुप्तेन कार्यक्रमे उपस्थित्वा स्वर्गीयस्य अरुणजेटलीवर्यस्य प्रतिमायां माल्यार्पणं कृत्वा भावपूर्णा श्रद्धाञ्जलिः समर्पिता।
अस्मिन् अवसरि भाजपानेतारः कार्यकर्तारश्च स्वर्गीयस्य अरुणजेटलीवर्यस्य व्यक्तित्वं कृतित्वं च स्मरन्तः राष्ट्रसेवायां तेन प्रदत्तं योगदानं नमनं कृतवन्तः। पूर्वमन्त्री मंगलपाण्डेयः अवदत् यत् अरुणजेटलीवर्येण देशस्य विकासे, आर्थिकसुधारणासु, लोकतान्त्रिकमूल्येषु तथा संगठनस्य सुदृढीकरणे महत्त्वपूर्णा भूमिका निर्वहिता। तस्य सम्पूर्णं सार्वजनिकजीवनं राष्ट्रहिताय जनसेवायै च समर्पितम् आसीत्।
सः अवदत् यत् स्वर्गीयः अरुणजेटलीवर्यः कुशलः राजनेता, प्रखरः वक्ता, उत्कृष्टः विधिवेत्ता तथा संगठनस्य समर्पितः कार्यकर्ता च आसीत्। तेन स्वस्य दूरदर्शितया राजनीतिकदक्षतया च सार्वजनिकजीवने विशिष्टा परिचितिः प्राप्ता। केन्द्रीयवित्तमन्त्रिपदस्य कार्यकाले तेन देशस्य अर्थव्यवस्थायै नूतनां दिशां प्रदातुं बहवः महत्त्वपूर्णाः निर्णयाः क्रियान्विताः।
विधायकः सञ्जयगुप्तः अवदत् यत् अरुणजेटलीवर्यस्य विचाराः कार्यशैली आदर्शाश्च अद्यापि भाजपाकार्यकर्तृणां प्रेरणास्रोतांसि सन्ति। तेन संगठनस्य सुदृढीकरणेन सह लोकतान्त्रिकसंस्थानां संसदीयपरम्पराणां च सुदृढीकरणे उल्लेखनीया भूमिका निर्वहिता। तस्य योगदानं देशेन समाजेन च दीर्घकालं यावत् स्मरिष्यते।
कार्यक्रमे मण्डलाध्यक्षः सुमितश्रीवास्तवः सहितं रविसिंहः, निरञ्जनः, राजूसिन्हः, अरुणमाइकलः, मुकेशसिन्हः, राजनः, प्रदीपझा, चुनमुनसिंहः, महाराजमहतो तथा धनञ्जयशर्मा इत्यादयः बहुसंख्याकाः भाजपाकार्यकर्तारः गणमान्यजनाश्च उपस्थिताः आसन्।
कार्यक्रमस्य समये सर्वैः स्वर्गीयस्य अरुणजेटलीवर्यस्य आदर्शानां राष्ट्रसेवासङ्कल्पस्य च अग्रे संवर्धनस्य सङ्कल्पः कृतः। भाजपानेतृभिः कार्यकर्तृभिश्च कथितं यत् तस्य विचाराः आगामिसन्ततीनाम् अपि देशस्य समाजस्य च प्रति समर्पितभावेन कार्यं कर्तुं निरन्तरं प्रेरयिष्यन्ति।
सर्वे उपस्थितजनाः स्वर्गीयस्य अरुणजेटलीवर्यस्य स्मृतीः नत्वा तस्मै कोटिशः प्रणामान् विनम्रां श्रद्धाञ्जलिं च समर्पितवन्तः।
Hindusthan Samachar / Dheeraj Maithani