Enter your Email Address to subscribe to our newsletters
रायबरेली, 24अगस्तमासः(हि. स.)।मुख्यमन्त्री योगी आदित्यनाथः सोमवासरे रायबरेलीनगरे अष्टशतसप्ततिः अधिकाः नवशतकोटिरूप्यकाणां विकासपरियोजनानां उपहारं प्रदत्तवान्। अस्मिन् त्रिशतचत्वारिंशदधिकषट्पञ्चाशत् विकासपरियोजनाः सम्मिलिताः सन्ति। मुख्यमन्त्री योगी आदित्यनाथेन रायबरेली हरचन्दपुरम् ऊञ्चाहार च विधानसभाक्षेत्रेषु कुलं अष्टशतसप्ततिः अधिकाः नवशतकोटिरूप्यकाणां त्रिशतचत्वारिंशदधिकषट्पञ्चाशत् परियोजनानां शिलान्यासः लोकार्पणं च कृतम्।
फिरोजगान्धीमहाविद्यालयस्य क्रीडाङ्गणे आयोजितायाः जनसभायाः अनन्तरं मुख्यमन्त्रिणा कुलं षट्शतचतुर्विंशतिकोटिरूप्यकाणां पञ्चाशदधिकशताष्टादश परियोजनानां लोकार्पणं कृतम्। द्विशतसप्तसप्ततिकोटिरूप्यकाणां द्विषष्ट्यधिकशतद्विपञ्चाशत् नूतनमहत्त्वपूर्णपरियोजनानां शिलान्यासः अपि कृतः। घुमन्तुसमुदायस्य अन्तर्गताः सर्पक्रीडकाः येषां परिवाराः सन्ति, तेषां षष्ट्यधिकपरिवाराणां कृते मुख्यमन्त्रिणा आवासीयपट्टाः अपि प्रदत्ताः।
मुख्यमन्त्री योगी आदित्यनाथेन रायबरेलीनगरे जनानां कृते विविधयोजनानां लाभानां वर्षा कृता। अत्र विविधयोजनानां लाभार्थिनां खातेषु एकोनविंशतिकोटिरूप्यकेभ्यः अधिका धनराशिः प्रेषिता। लाभार्थिभ्यः आयुष्मान्पत्राणि, सङ्गणकयन्त्राणि, स्वीकृतिपत्राणि, गृहकुञ्चिकाः इत्यादीनि अपि प्रदत्तानि।
मुख्यमन्त्रिणा योगी आदित्यनाथेन लोकार्पितासु शिलान्यासितासु च महत्त्वपूर्णपरियोजनासु षट्त्रिंशत्कोटिरूप्यकेभ्यः अधिकव्ययेन महाराजगञ्जइन्हौनामार्गस्य सुदृढीकरणकार्यम्, चतुर्विंशतिकोटिरूप्यकेभ्यः अधिकव्ययेन पुलिसपङ्क्तौ जी प्लस द्वादश प्रकारस्य पारगमनछात्रावासस्य निर्माणकार्यम्, एकविंशतिकोटिरूप्यकेभ्यः अधिकव्ययेन कुण्डनगञ्जपश्चिमगावंटेराअघौरामार्गस्य विस्तारीकरणं सुदृढीकरणं च इत्येतानि कार्याणि लोकार्पितानि।
मुख्यमन्त्रिणा चतुर्विंशतिकोटिरूप्यकेभ्यः अधिकव्ययेन शिवगढविकासखण्डस्य ओसाहग्रामे तथा बेलाभेलायां मुख्यमन्त्रिमॉडलसंयुक्तविद्यालययोः निर्माणकार्यस्य शिलान्यासः अपि कृतः। तदतिरिक्तं मुख्यमन्त्रिणा त्रिकोटिरूप्यकाणां व्ययेन हरचन्दपुरे खीरोंपाहोसम्पर्कमार्गे क्षतिग्रस्तसेतोः स्थाने चतुरधिकदशमीटरविस्तारयुक्तस्य आरसीसीपेटिकासेतोः निर्माणकार्यस्य शिलान्यासः अपि कृतः।
Hindusthan Samachar / Dheeraj Maithani