भागलपुरम्, 24 अगस्तमासः (हि.स.)।

बिहारराज्यबालश्रमिकआयोगस्य पूर्वाध्यक्षः समतुल्यकैबिनेटमन्त्री डॉ. चक्रपाणिहिमांशुः बिहारस्य मुख्यमन्त्रिणः दावान् प्रति तीव्रं प्रत्युत्तरं दत्तवान्। सः मुख्यमन्त्रिणः उक्तीन् वस्तुस्थितितः दूरान् ‘वायुविलासपूर्णान्’ इति निरूपितवान्।

डॉ. हिमांशुः सोमवासरे उक्तवान् यत् मुख्यमन्त्रिणः दावानुसारं अगस्तमासस्य १९ दिनाङ्कात् २३ दिनाङ्कपर्यन्तं आयोजिते पटनास्थिते रोजगारमेलके ११५ संस्थाभिः २० सहस्रं २०६ युवानः रोजगाराय चयनिताः सन्ति। सः सर्वकारात् आग्रहं कृतवान् यत् एषा सम्पूर्णा सूची अविलम्बं सार्वजनिकतया प्रकाश्यताम्। सर्वकारेण स्पष्टं करणीयं यत् कस्य युवानः कस्मिन् संस्थाने रोजगारः प्राप्तः तथा प्रतिमासं तस्य बैंकखाते कियद् वेतनं प्रेष्यते।

पूर्वाध्यक्षः श्रमसंसाधनविभागस्य कार्यप्रणाल्याः विषये गम्भीरान् आरोपान् कुर्वन् उक्तवान् यत् सम्प्रति विभागे महती अनियमितता प्रचलति। श्रमिकेभ्यः नवीनं रोजगारं प्रदातुं दूरम्, ये श्रमिकाः पूर्वमेव मॉलमध्ये, आपणेषु, वाणिज्यिकप्रतिष्ठानेषु तथा पेट्रोलपम्पेषु कार्यं कुर्वन्ति, तेषामपि शोषणं क्रियते।

नियमान् उपेक्ष्य एतेभ्यः श्रमिकेभ्यः बैंकखातेषु वेतनं प्रेषयितुं स्थाने नगदरूपेण केवलं सप्त, अष्ट अथवा नवसहस्ररूप्यकाणि दीयन्ते। सः आरोपितवान् यत् अस्य सम्पूर्णस्य प्रकरणस्य प्रतिफलरूपेण श्रमसंसाधनविभागेन स्थूलधनराशिः गृहीता भवति।

डॉ. हिमांशुः इष्टिकाभट्टानां स्थितेः उल्लेखं कुर्वन् उक्तवान् यत् तत्रापि श्रमिकेभ्यः विना आधिकारिकनियोजनं विना सुरक्षा व्यवस्थां च कार्यं कारयन्ति। एतेभ्यः श्रमिकेभ्यः अपि बैंकखातेषु वेतनं न दीयते।

सः मुख्यमन्त्रिणं परामर्शं दत्त्वा उक्तवान् यत् मुख्यमन्त्री भूमिस्थितेः परीक्षणं विना वायुविलासपूर्णानि वक्तव्यानि दातुं विरमतु, यतः एतादृशैः वक्तव्यैः केवलं तस्य अज्ञानतैव प्रकाश्यते।

---------------

Hindusthan Samachar / Dheeraj Maithani