भागलपुरम्, 24 अगस्तमासः (हि.स.)।

श्रावणमासस्य चतुर्थे अन्तिमे च सोमवासरे शिवालयेषु प्रातःकालादेव भक्तानां महती भीडः दृश्यते स्म। श्रावणमासस्य अस्य अन्तिमस्य सोमवासरस्य सनातनधर्मे विशेषं महत्त्वम् अस्ति।

धार्मिकमान्यतानुसारम् अस्मिन् दिने कृता पूजा सम्पूर्णमासे कृतायाः शिवोपासनायाः फलम् एकस्मिन्नेव समये प्रददाति। अस्मिन् पावनेऽवसरे विधिविधानपूर्वकं व्रतपूजनयोः अनुष्ठानेन मानसिकशान्तिः, सुखसमृद्धिः मनोवाञ्छितफलप्राप्तिश्च भवति।

महादेवं शीघ्रं प्रसादयितुं श्रद्धालुभिः पञ्चामृतेन अभिषेकः कृतः, बिल्वपत्राणि समर्पितानि तथा “ॐ नमः शिवाय” इति जयघोषैः सम्पूर्णं वातावरणं गुंजायमानम् अभवत्। अस्यैव क्रमे प्रसिद्धे श्रीश्री१०८ गोनूबाबाधाममन्दिरे प्रतिवर्षमिव अस्मिन् वर्षेऽपि श्रावणमासस्य शुक्लपक्षस्य चतुर्थसोमवासरे भव्यस्य आयोजनस्य व्यवस्था कृता। मन्दिरे बाबास्य राजकीयपूजायाः सम्पन्नतायाः अनन्तरम् अपराह्णे त्रिवादनात् डाकबमभक्तानां सामान्यश्रद्धालूनां च पक्षतः बाबास्य जलाभिषेकः प्रारब्धः।

बाबास्य दरबारे दर्शनाय केवलं स्थानीयजनाः एव न, अपि तु बिहारतः, झारखण्डतः, बङ्गालप्रदेशात् अन्येभ्यश्च बहुभ्यः राज्येभ्यः क्षेत्रेभ्यश्च बहुसंख्यया श्रद्धालवः समागताः। भक्तैः बाबास्य पञ्चामृतेन अभिषेकः विशेषपूजापाठश्च सम्पन्नः। मन्दिरप्राङ्गणं प्राप्तैः श्रद्धालुभिः बाबास्य चरणयोः शिरः नत्वा स्वस्वमनोकामनाः प्रार्थिताः समर्पणानि च कृतानि।

धामस्य पण्डितः सोनूझा इति प्रसिद्धः सिङ्गारीबाबा तथा सकलग्रामवासिनां सहयोगेन बाबास्य परमभक्तैः सर्वाणि पूजाऽनुष्ठानानि सम्पाद्यमानानि सन्ति।

मन्दिरप्रबन्धनेन सूचितं यत् सायंकाले बाबास्य भव्यः महारुद्राभिषेकः शृङ्गारपूजनं च करिष्यते। ततः महाआरती भविष्यति तथा उपस्थितेभ्यः सर्वेभ्यः श्रद्धालुभ्यः महाप्रसादस्य वितरणं करिष्यते। आयोजनस्य सफलतायै स्थानीयग्रामवासिनां बाबाभक्तानां च प्रशंसनीयं योगदानम् अभवत्।

---------------

Hindusthan Samachar / Dheeraj Maithani