- मुख्यमंत्री मोहन यादवः करिष्यति शुभारंभम्

भोपालम्, 24 अगस्तमासः (हि.स.)। अटलविहारीवाजपेयीसुशासनं नीतिविश्लेषणं च संस्थानेन (एआईजीजीपीए) “समृद्धमध्यप्रदेश@२०४७” इत्यस्य कृते केन्द्रीयवित्तपोषितसंस्थानानां योगदानम् इति विषये सोमवासरे भोपालनगरे कुशाभाऊठाकरे-अन्ताराष्ट्रियसम्मेलनकेन्द्रे एकदिवसीयराज्यस्तरीयसम्मेलनस्य आयोजनं क्रियते। मुख्यमन्त्री डॉ. मोहन यादवः प्रातः एकादशवादने अस्य सम्मेलनस्य उद्घाटनं करिष्यति।

जनसम्पर्काधिकारी राजेशपाण्डेयः सूचनां दत्त्वा उक्तवान् यत् सम्मेलनस्य विषयवस्तु “एकं संस्थानम् एकं प्रतिज्ञानम्” इति निर्धारिता अस्ति। कार्यक्रमे मुख्यसचिवः अशोकबर्णवालः “समृद्धमध्यप्रदेश@२०४७” इति विषये मुख्यवक्तव्यं प्रदास्यति। सुशासनसंस्थानस्य उपाध्यक्षः प्रो. राजीवदीक्षितः विशेषसम्बोधनं करिष्यति, यदा मुख्यवैज्ञानिकसल्लाहकारः प्रो. सन्तोषकुमारविश्वकर्मा सम्मेलनस्य पृष्ठभूमिं सन्दर्भं च प्रस्तुतं करिष्यति।

द्वितीयसत्रे “समृद्धमध्यप्रदेश@२०४७” इत्यस्य कृते समावेशिनः आर्थिकविकासस्य सामाजिकसशक्तीकरणस्य च विषये चर्चा तथा अग्रिमकार्ययोजनां प्रति व्यापकविमर्शः करिष्यते। अस्यां चर्चायां उपस्थिताः केन्द्रीयसंस्थानानां प्रतिनिधयः शासनस्य अधिकारिणश्च भागं ग्रहीष्यन्ति।

---------------

Hindusthan Samachar / Dheeraj Maithani