श्रावणस्य अंतिम सोमवासरे प्रातरारभ्य एव मंदिरेषु उत्पन्नःमहासंमर्दः , गंगाजलं नीत्वा कांवडयात्रिणः प्रस्थिताः; सुरक्षायाः दृढव्यवस्था।

प्रयागराज, 24 अगस्तमासः (हि.स.)।

श्रावणमासस्य अन्तिमे चतुर्थे सोमवासरे सङ्गमनगरी प्रयागराजः “हर हर महादेव” “बम बम भोलेनाथ” इत्यादीनां जयघोषैः सम्पूर्णतया गुञ्जितः। प्रातःकालात् एव नगरे प्रमुखेषु शिवमन्दिरेषु श्रद्धालूनां महती भीडः समुपवर्तिता। भक्ताः पङ्क्तिषु स्थित्वा भगवान् शिवस्य जलाभिषेकं कृत्वा विधिविधानपूर्वकं पूजामर्चनां च सम्पाद्य सुखशान्तिसमृद्धीनां कामनां कृतवन्तः। शिवालयानां बहिः श्रद्धालूनां दीर्घाः पङ्क्तयः दृश्यन्ते स्म तथा सम्पूर्णं वातावरणं भगवान् शिवस्य भक्तिभावेन परिपूर्णं दृश्यते स्म।

प्रयागराजस्य प्रसिद्धे मनकामेश्वरमन्दिरे, ब्रह्मेश्वरमहादेवमन्दिरे, नागवासुकीमन्दिरे, शङ्करविमानमण्डपे, कोटेश्वरमहादेवमन्दिरे, अखिलेश्वरमहादेवमन्दिरे, तक्षकेश्वरमहादेवमन्दिरे, ललितेश्वरमहादेवमन्दिरे, सङ्केश्वरमहादेवमन्दिरे, पाण्डेश्वरमहादेवमन्दिरे, नागेश्वरमहादेवमन्दिरे फुटाहवनमहादेवमन्दिरे च नगरे स्थितेषु सर्वेषु प्रमुखेषु शिवालयेषु श्रद्धालूनां तान्ता लग्ना आसीत्। भक्ताः बिल्वपत्राणि, धत्तूरकं, पुष्पाणि गङ्गाजलं च समर्प्य भगवान् भोलेनाथस्य पूजनं कृतवन्तः।

श्रावणमासस्य अन्तिमे सोमवासरे भगवान् शिवस्य दर्शनाय जलाभिषेकाय च श्रद्धालवः प्रातःकालात् पूर्वमेव मन्दिरेषु आगन्तुं प्रारब्धवन्तः। मन्दिराणां बहिः अवरोधव्यवस्थां कृत्वा श्रद्धालूनां सुव्यवस्थितरूपेण दर्शनं कारितम्। स्वकीयक्रमस्य प्रतीक्षां कुर्वन्तः भक्ताः निरन्तरं “हर हर महादेव” “बम बम भोले” इति जयघोषान् कृतवन्तः। अनेन सम्पूर्णं वातावरणं भक्तिमयं जातम्।

कांवडं गृहीत्वा गच्छन्तः शिवभक्ताः अपि बहुसंख्यया दारागञ्जस्थितम् अश्वमेधघाटं प्राप्तवन्तः। अत्र गङ्गाजलं पूरयित्वा कांवडियाभक्ताः भगवान् शिवस्य जलाभिषेकं कर्तुं स्वस्वगन्तव्यस्थानं प्रति प्रस्थितवन्तः। गङ्गाघाटेष्वपि श्रद्धालूनां चहलपहलः निरन्तरं वर्तते स्म।

श्रद्धालूनां महतीं संख्यां दृष्ट्वा पुलिसप्रशासनयोः पक्षतः व्यापकाः सुरक्षाव्यवस्थाः कृताः। मन्दिराणां समीपे पुलिसबलस्य, यातायातपुलिसकर्मिणां महिलापुलिसकर्मिणां च नियुक्तिः कृता। जनसमूहस्य नियन्त्रणस्य साथमेव यातायातव्यवस्थां सुव्यवस्थितां कर्तुमपि विशेषं ध्यानं दत्तम्।

नगरस्य पुलिसोपायुक्तः सागरजैनः उक्तवान् यत् नगरस्य सर्वेषु प्रमुखेषु शिवमन्दिरेषु सुरक्षाव्यवस्थायै पर्याप्तसंख्यायां पुलिसबलस्य, यातायातपुलिसकर्मिणां महिलापुलिसकर्मिणां च नियुक्तिः कृता अस्ति। मन्दिरपरिसरेषु समीपवर्तिषु क्षेत्रेषु च सीसीटीवी-कैमरा-माध्यमेन निरन्तरं निरीक्षणं क्रियते। श्रद्धालूनां सुविधां सुरक्षां च दृष्ट्वा पुलिसकर्मिभ्यः सतर्कतया स्थातुं निर्देशाः प्रदत्ताः सन्ति।

श्रावणमासस्य अन्तिमे सोमवासरे सङ्गमनगर्यां श्रद्धायाः भक्तेः उल्लासस्य च अद्भुतः सङ्गमः दृश्यते स्म। शिवालयेभ्यः आरभ्य गङ्गाघाटपर्यन्तं सर्वत्र भगवान् भोलेनाथस्य जयघोषाः गुञ्जन्ति स्म। श्रद्धालुभिः भगवान् शिवस्य जलाभिषेकं कृत्वा श्रावणमासस्य समापनं श्रद्धाभक्तिपूर्वकं कृतम्।

---------------

Hindusthan Samachar / Dheeraj Maithani