भुवनेश्वरम्, 25 अगस्तमासः (हि.स.)।

ओडिशाराज्यस्य मुख्यमन्त्री मोहनचरणमाझी एकीकृतभुगतानव्यवस्थायाः अर्थात् यूपीआई इत्यस्य दशवर्षाणि पूर्णतां प्राप्तानि इति अवसरे तस्य उपलब्धीनां प्रशंसां कृत्वा उक्तवान् यत् एषा भारतस्य अङ्कीयभुगतानव्यवस्थां परिवर्तयन्ती महत्त्वपूर्णा पहल अस्ति। तेन उक्तं यत् यूपीआई इत्यनेन देशे अङ्कीयलेनदेनं सरलतरं, शीघ्रतरं अधिकसमावेशि च कृतम् अस्ति।

मुख्यमन्त्री माझी सामाजिकमाध्यमे साझा कृते सन्देशे उक्तवान् यत् दशकपूर्वं भारतं भुगतानव्यवस्थां सरलां सुविधाजनकां च कर्तुं दिशि महत्त्वपूर्णं पदं न्यधत्त। अद्य यूपीआई कोटिशः भारतीयानां कृते सुविधायाः सहजस्य च अङ्कीयभुगतानस्य पर्यायः जातः अस्ति।

मुख्यमन्त्रिणा प्रधानमन्त्रिणः नरेन्द्रमोदिनः नेतृत्वं यूपीआई इत्यस्य सफलतायाः महत्त्वपूर्णं आधारं निरूपितम्। तेन उक्तं यत् अङ्कीयभुगतानव्यवस्थया लेनदेनं दैनिकजीवनस्य सहजं भागं जातम् अस्ति। यूपीआई इत्यस्य माध्यमेन लघुविक्रेतृभ्यः, पथविक्रेतृभ्यः आरभ्य बृहद्व्यापारिभ्यः पर्यन्तं तथा ग्रामेभ्यः नगरेभ्यश्च जनानां कृते अङ्कीयभुगतानं पूर्वापेक्षया अधिकं सरलम् अभवत्।

मुख्यमन्त्री अवदत् यत् यूपीआई इत्यस्य आरम्भः यद्यपि अङ्कीयभुगतानमञ्चरूपेण अभवत्, तथापि कालेन सह एतत् ‘जनशक्त्या सञ्चालिता अङ्कीयक्रान्तिः’ इति रूपे परिणतम् अस्ति। तेन उक्तं यत् यूपीआई इत्यनेन देशस्य विभिन्नवर्गान् अङ्कीयार्थव्यवस्थया सह संयोजयितुं महत्त्वपूर्णा भूमिका निर्व्यूढा अस्ति। तस्य व्यापकस्वीकृत्या सिद्धं जातं यत् भारतम् एतादृशीम् अङ्कीयाधारभूतसंरचनां विकसितुं शक्नोति, या सामान्यनागरिकेभ्यः सुलभा भवितुं शक्नोति तथा व्यापकस्तरे परिवर्तनकारिणी अपि भवितुम् अर्हति।

माझी अवदत् यत् यूपीआई इत्यस्य माध्यमेन क्रियमाणं प्रत्येकमपि अङ्कीयलेनदेनं ‘डिजिटलभारत’ इत्यस्य गतिं अग्रे नेतुं योगदानं करोति। तेन एतत् अधिकसंयोजितं, सशक्तं आत्मनिर्भरं च भारतं निर्मातुं दिशि महत्त्वपूर्णं सोपानम् इति वर्णितम्।

तेन उक्तं यत् यूपीआई इत्यस्य दशकस्य यात्रा भारतस्य प्राविधिकक्षमतायाः, नवोन्मेषस्य, समावेशिनः अङ्कीयविकासस्य च कथां प्रदर्शयति। तेन अङ्कीयभुगतानक्षेत्रे यूपीआई इत्यस्य व्यापकप्रसारं प्रभावं च भारतस्य परिवर्तमानायाः अङ्कीयार्थव्यवस्थायाः महत्त्वपूर्णसिद्धिरूपेण वर्णितम्।

---------------

Hindusthan Samachar / Dheeraj Maithani