Enter your Email Address to subscribe to our newsletters
भोपालम्, २५ अगस्तमासः (हि.स.)। मध्यप्रदेशस्य मुख्यमन्त्री डॉ. मोहनयादवः बुधवासरे, २६ अगस्तमासे, भिण्डजनपदस्य औद्योगिकक्षेत्रे मालनपुरे गॉदरेज कन्ज्यूमर प्रोडक्ट्स लिमिटेड् इत्यस्याः विस्तारितायाः चतुर्थविनिर्माण-विभागस्य शुभारम्भं करिष्यति। विभागस्य विस्ताराय ४५० कोटिरूप्यकेभ्यः अधिकः निवेशः कृतः अस्ति। अनेन मालनपुरे उत्पादनक्षमता वर्धयिष्यते तथा च २२५० तः अधिकाः नूतनाः रोजगारावसराः सृज्यन्ते।
जनसम्पर्काधिकारिणी बबिता मिश्रा मङ्गलवासरे अवदत् यत् कार्यक्रमे मुख्यमन्त्री डॉ. यादवः लोकनिर्माणविभागे नियुक्तिनां प्रमाणपत्राणि अपि वितरिष्यति। अस्मिन् अवसरे श्रम-मन्त्रिणा, पंचायत-ग्रामीणविकासमन्त्रिणा च भिण्डजनपदस्य प्रभारीमन्त्रिणा प्रह्लादसिंहपटेलेन, नवीन-नवीकरणीय-ऊर्जामन्त्रिणा राकेशशुक्लेन सह अन्ये जनप्रतिनिधयः गॉदरेज-समूहस्य वरिष्ठाधिकारिणश्च उपस्थिताः भविष्यन्ति।
सा अवदत् यत् विस्तारस्य अन्तर्गतं प्रतिघण्टं १० मेट्रिकटनक्षमतायुक्तं निरन्तर-सैपोनिफिकेशन-संयन्त्रं तथा प्रतिमिनिटं २१७ बण्डल्-क्षमतायुक्ता स्वचालित-पैकेजिङ्-व्यवस्था स्थाप्यमाना अस्ति। तेन सह प्रतिवर्षं ४२ कोटि-केशरङ्ग-सैशे, १४ कोटि-मच्छरनिरोधक-उत्पादाः तथा १० कोटि-वायुप्रसाधक-सैशे इत्येतेषां उत्पादनक्षमता विकसिताः भविष्यन्ति। केशक्रीम-उत्पादनस्य क्षमता प्रतिवर्षं ७३०० मेट्रिकटनपरिमिता भविष्यति। अनेन भिण्डस्य समीपवर्ति-क्षेत्राणां च युवभ्यः रोजगारावसराः प्राप्स्यन्ते तथा च स्थानीयस्तरे औद्योगिकक्रियाकलापानां प्रोत्साहनं भविष्यति। विस्तारानन्तरं राज्येन प्रतिवर्षं प्रायः १८५ कोटिरूप्यकाणां अतिरिक्तं केन्द्रीयवस्तुसेवाकरं तथा राज्यवस्तुसेवाकररूपेण राजस्वं प्राप्तुं शक्यते इति सम्भाव्यते।
गॉदरेज्-संस्थया उत्पादनविस्तारेण सह पर्यावरणसंरक्षणेऽपि विशेषं ध्यानं दीयते। डॉव् जोन्स् सस्टेनेबिलिटी इण्डेक्स् इत्यस्य अनुसारं गॉदरेज कन्ज्यूमर प्रोडक्ट्स् विश्वस्य द्वितीयेषु सर्वाधिकस्थायित्वयुक्तेषु एफ्.एम्.सी.जी. उद्यमेषु अन्तर्भवति। मालनपुरस्थे संयन्त्रे शून्य-द्रव-अपशिष्ट-उत्सर्जन-व्यवस्थया सह २०४ किलोवाट्-क्षमतेन छादन-सौरऊर्जासंयन्त्रं स्थापितं भविष्यति।
गॉदरेज् कन्ज्यूमर् प्रोडक्ट्स् लिमिटेड् इत्येषा संस्था १९९१ तमवर्षात् मालनपुरे सञ्चालिता अस्ति। औद्योगिकक्षेत्रे स्थितं संस्थायाः संयन्त्रं ६५ एकर-परिमिते क्षेत्रे विस्तृतम् अस्ति। अत्र अधुना यावत् ८५० कोटिरूप्यकाणां सञ्चितनिवेशः कृतः अस्ति। त्रिंशदधिकवर्षाणां काले एतत् संयन्त्रं गॉदरेज-संस्थायाः विनिर्माण-व्यवस्थायाः महत्त्वपूर्णकेन्द्ररूपेण विकसितम् अस्ति। अत्र फेनकम्, केशरङ्गः, गृहकीटनाशकानि च इत्यादीनां विविधोत्पादानां निर्माणं क्रियते।
जनसम्पर्काधिकारिणी अवदत् यत् नूतनायाः चतुर्थविनिर्माण-विभागस्य विस्तारात् मालनपुर-संयन्त्रस्य उत्पादन-क्षमतायां महत्त्वपूर्णा वृद्धिः भविष्यति। सम्प्रति अत्र प्रतिवर्षं १ लक्ष ५० सहस्रं मेट्रिकटनपरिमितानां साबुन-नूडल्स्-उत्पादनस्य तथा ७० सहस्रं मेट्रिकटनपरिमितानां निर्मित-शौचालय-फेनकस्य उत्पादनस्य क्षमता अस्ति। विस्तारानन्तरं फेनक-नूडल्स-उत्पादन-क्षमता वर्धित्वा २ लक्ष-मेट्रिकटनपरिमिता भविष्यति तथा निर्मित-साबुनस्य उत्पादनक्षमता प्रतिवर्षं १ लक्ष २० सहस्र-मेट्रिकटनपरिमिता भविष्यति। एवं समग्र-उत्पादनक्षमता प्रतिवर्षं ३ लक्ष २० सहस्र-मेट्रिकटनपरिमिता भविष्यति। अनेन मालनपुर-संयन्त्रं एशियायाः सर्वबृहद् एकीकृत-साबुन-विनिर्माण-विभागस्य भविष्यदिशि अग्रसरिष्यति।
Hindusthan Samachar / Divya Ranjan